#BREAKING: திமுக கொடி அரைக்கம்பத்தில் பறக்க விடப்படும்; நிகழ்ச்சிகள் ஒத்திவைப்பு – மு.க.ஸ்டாலின்

ஜெ.அன்பழகனின் மறைவுக்கு இரங்கல் தெரிவிக்கும் வகையில் திமுக கொடிகளை அரைக்கம்பத்தில் பறக்கவிடப்படும் என மு.க.ஸ்டாலின் தெரிவித்துள்ளார்.

சென்னை மேற்கு மாவட்ட திமுகச் செயலாளரும் சேப்பாக்கம்-திருவல்லிக்கேணி சட்டசபை தொகுதி எம்.எல்.ஏ.வுமான  ஜெ.அன்பழகன் உடல்நலக்குறைவு காரணமாக இன்று காலை 08.05 மணிக்கு காலமானார்.

இந்நிலையில், ஜெ.அன்பழகனின் மறைவுக்கு இரங்கல் தெரிவிக்கும் வகையில் திமுக சார்பில் 3 நாட்கள் துக்கம் கடைப்பிடிக்கப்படுகிறது. திமுக கொடிகளை அரைக்கம்பத்தில் பறக்க விடுவதுடன், திமுக  சார்பில் திட்டமிடப்பட்டிருந்த அனைத்து நிகழ்ச்சிகளையும்  ஒத்திவைப்பதாக மு.க.ஸ்டாலின் தெரிவித்துள்ளார்.