2 ஊழியர்களுக்கு கொரோனா.! சென்னை விமான நிலைய நிர்வாக அலுவலகம் மூடல்!

சென்னை விமான நிலையத்தில் உள்ள இந்திய விமான நிலைய ஆணையமான AAI அலுவலகத்தில் 2 ஊழியர்களுக்கு கொரோனா தொற்று உறுதியானதால், அந்த அலுவலகம் ஜூன் 7 வரையில் மூடப்படுவதாக அறிவிக்கப்பட்டுள்ளது.   

கொரோனா முன்னெச்சரிக்கை நடவடிக்கை காரணமாக கடந்த 2 மாதங்களுக்கும் மேலாக முடக்கப்பட்டிருந்த உள்நாட்டு விமான போக்குவரத்து சேவை கடந்த மாதம் மே 25ஆம் தேதி முதல் மீண்டும் தொடங்கப்பட்டுள்ளது.

இந்நிலையில், சென்னை விமான நிலையத்தில் உள்ள இந்திய விமான நிலைய ஆணைய அலுவலகமான AAI-இல் வேலைபார்த்து வந்த 2 ஊழியர்களுக்கு கொரோனா உறுதி செய்யப்பட்டுள்ளது.

இதன் காரணமாக அலுவகம் முழுவதும் கிருமிநாசினி கொண்டு  சுத்தப்படுத்தப்பட உள்ளது. இதன் காரணமாக ஜூன் 7 வரையில் அலுவலகம் தற்காலிகமாக மூடப்படுவதாக அறிவிக்கப்பட்டுள்ளது.