நாளை டெல்லி செல்கிறார் முதலமைச்சர் மு.க.ஸ்டாலின்!

நாளை மறுநாள் குடியரசு தலைவர் திரௌபதி முர்மு உள்ளிட்டோரை சந்திக்க உள்ளார் முதலமைச்சர்.

தமிழக முதல்வர் மு.க.ஸ்டாலின் நாளை இரவு 8.30 மணிக்கு ஏர் இந்தியா விமானத்தில் செல்ல உள்ளார். நாளை மறுநாள் குடியரசு தலைவர் திரௌபதி முர்மு உள்ளிட்டோரை சந்தித்து முதலமைச்சர் பேச உள்ளார்.

ஜூன் 3-ல் கிண்டி பன்னோக்கு சிறப்பு மருத்துவமனையை ஜனாதிபதி திறந்து வைக்க அழைக்க உள்ளதாகவும் தகவல் கூறப்படுகிறது. நிறைவேற்றிய மசோதாக்களுக்கு ஆளுநர் ஒப்புதல் தர ஜனாதிபதி கால நிர்ணயம் செய்ய வலியுறுத்த உள்ளதாகவும் கூறப்படுகிறது.

சட்டப்பேரவையில் ஏற்கனவே தீர்மானம் நிறைவேற்றிய நிலையில் ஜனாதிபதியை நேரில் சந்தித்து வலியுறுத்த உள்ளார் முதலமைச்சர். மேலும், டெல்லி பயணத்தை முடித்துக்கொண்டு நாளை மறுநாள் இரவு 8.30 மணிக்கு முதலமைச்சர் ஸ்டாலின் சென்னை திரும்புகிறார்.