சாலையோர தேநீர் கடையில் தேநீர் அருந்திய முதல்வர் மு.க.ஸ்டாலின்…!

சாலையோரம் இருந்த தேநீர் கடையில், முதல்வர் மற்றும் அமைச்சர்கள் ஆகியோர் அந்த கடையிலேயே தேநீர் வாங்கி அருந்தினர்.

சென்னை : தமிழகத்தில் கடந்த சில நாட்களாக தொடர்ந்து மழை பெய்து வந்த நிலையில், பல மாவட்டங்களில் சாலைகளில் மழைநீர் தேங்கிய நிலையில், சாலைகள் வெள்ளக்காடாக காட்சியளித்தது. மேலும், வீடுகளுக்குள் மழைநீர் புகுந்ததால், மக்களின் இயல்புவாழ்க்கை பெரும் பாதிப்புக்கு உள்ளானது.

இந்நிலையில், முதல்வர் மு.க.ஸ்டாலின் அவர்கள், சென்னை மாம்பாக்கம் பகுதியில், மக்களுக்கு நிவாரண உதவிகளை வழங்குவதற்காக சென்றார். அப்போது சாலையோரம் இருந்த தேநீர் கடையில், முதல்வர் மற்றும் அமைச்சர்கள் ஆகியோர் அந்த கடையிலேயே தேநீர் வாங்கி அருந்தினர். அப்போது, அங்கிருந்தவர்களிடம் முதல்வர் அவர்கள் மழை வெள்ள பாதிப்பு குறித்து கேட்டறிந்தார். இளைஞர்கள் மற்றும் பொதுமக்கள் முதல்வருடன் இணைந்து செல்பி எடுத்துக் கொண்டனர்.