நாங்குநேரி & விக்கிரவாண்டி தொகுதிகளுக்கு இன்று முதல் அதிமுகவினர் விருப்பமனு தாக்கல் செய்யலாம்

நாங்குநேரி மற்றும் விக்கிரவாண்டி தொகுதிகளுக்கு விருப்பமனு தாக்கல் செய்பவர்கள் இன்று முதல் தாக்கல் செய்யலாம் என்று அதிமுக தலைமை அறிவித்துள்ளது.

காலியாக இருந்த நாங்குநேரி மற்றும் விக்கிரவாண்டி தொகுதிகளுக்கு அக்டோபர் 21-ஆம் தேதி நடைபெறுகிறது.இதற்கான வேட்புமனு தாக்கல் நாளை நடைபெறுகிறது.இதன் இறுதி தேதி வருகின்ற 30-ஆம் தேதி ஆகும்.

இதற்காக அதிமுக சார்பில் வேட்புமனு தாக்கல் செய்ய இன்று முதல் விருப்பமனு தாக்கல் செய்யலாம் என்றும் தெரிவிக்கப்பட்டுள்ளது.அதாவது இது குறித்து அதிமுக தலைமை வெளியிட்டுள்ள அறிக்கையில்,இன்று (22 ஆம் தேதி ) காலை 10 மணி முதல் மாலை 5 மணி வரையும்,நாளை (23 ஆம் தேதி)  காலை 10 முதல் மாலை 3 மணி வரையும், விண்ணப்ப கட்டணத் தொகையான ரூ.25,000 செலுத்தி,விண்ணப்ப படிவங்களை  நாளை (23 ஆம் தேதி)  3 மணிக்குள் பூர்த்தி செய்து தலைமை கழகத்தில் அளிக்க வேண்டும் என்றும் தெரிவித்துள்ளது அதிமுக தலைமை.மேலும் இதற்கான நேர்காணல்  நாளை (23 ஆம் தேதி) மாலை 3.30 மணிக்கு நடைபெறும்  என்றும் தெரிவிக்கப்பட்டுள்ளது.