வன்னியர்களுக்கு இட ஒதுக்கீடு- ஆலோசித்து முடிவு எடுக்கப்படும்- முதல்வர் ..!

வன்னியர்களுக்கு இட ஒதுக்கீடு அமல்படுத்துவது குறித்து ஆலோசித்து முடிவு எடுக்கப்படும் என முதல்வர் தெரிவித்துள்ளார்.

3-வது நாளாக சட்டப்பேரவை கூட்டம் நடைபெற்று வருகிறது. இன்று சட்டப்பேரவையில் பேசிய தமிழக முதல்வர் மு.க ஸ்டாலின், தமிழ்நாட்டில் வன்னியர்களுக்கு கல்வி, வேலைவாய்ப்பில் இட ஒதுக்கீடு விவகாரத்தில் சம்பந்தப்பட்ட துறை அதிகாரிகளுடன் விரிவான ஆலோசனை நடத்தி நல்ல முடிவு எடுக்கப்படும் என பா.ம.க எம்.எல்.ஏ ஜி.கே.மணி எழுப்பிய கேள்விக்கு பதில் அளித்துள்ளார்.

மேலும், கோவையை புறக்கணிக்கவில்லை, எல்லா மாவட்டங்களையும் ஒரே போல் பார்க்கிறோம். கோவையில் எய்ம்ஸ் அமைக்க பிரதமரிடம் வலியுறுத்தப்பட்டது. வாக்களித்தவர்கள் பெருமைபடவேண்டும், வாக்களிக்காதவர்கள் வருத்தப்படும் வகையில் செயல்படவேண்டும் என்பது தான் திமுகவின் கொள்கை என முதலமைச்சர் மு.க.ஸ்டாலின் தெரிவித்துள்ளார்.