திரை இசை இமயம் இன்று சரிந்து விழுந்துவிட்டது – திமுக பொதுச்செயலாளர் துரைமுருகன்.!

திரை இசை பாடகர் எஸ்.பி.பாலசுப்ரமணியம் மறைவு – திமுக கழக  பொதுச்செயலாளர் துரைமுருகன் இரங்கல்.

திரை உலகில் இசையின் இமயமாக உயர்ந்து நின்றவர் எஸ்.பி பாலசுப்ரமணியம். அந்த இமயம் இன்று சரிந்துவிட்டது. நிரப்ப முடியாத இடம் பாலுவின் இடம். இசைக்கடல், தன் ராக ஆலாபனை அலைகளை ஆடாமல் நிறுத்திக் கொண்டது. இன்னும் ஒரு நூற்றாண்டுக்கு எஸ்.பி.பி-யின் புகழ் நிலைத்து நிற்கும் என்று திமுக பொதுச்செயலர் துரைமுருகன் இரங்கல் செய்தி வெளியிட்டுள்ளார்.

சென்னை தனியார் மருத்துவமனையில் சிகிச்சை பெற்று வந்த பாடகர் எஸ்.பி.பாலசுப்ரமணியம் இன்று பிற்பகல் காலமானார். இவரது மறைவிற்கு பலரும் இரங்கல் தெரிவித்து வருகின்றனர். மறைந்த எஸ்.பி.பாலசுப்ரமணியம் உடல் மருத்துவமனையில் இருந்து நுங்கப்பாக்கத்தில் உள்ள அவரது வீட்டிற்கு எடுத்து செல்லப்பட்டு, பொதுமக்கள் அஞ்சலிக்காக வைக்கப்பட்டுள்ளது. பின்னர் நாளை அவரது பண்ணைவீட்டில் அடக்கம் செய்யப்படவுள்ளது.