ஒரு அறிகுறியும் இல்லாமல் 7 பேர் கொரோனாவால் ஒரே நாளில் உயிரிழந்துள்ளனர்.!

எந்தவித அறிகுறியும் இல்லாமல் 7 பேர் கொரோனாவால் நேற்று ஒரே நாளில் உயிரிழந்துள்ளனர்.

தமிழகத்தில் கொரோனா வைரஸின் தாக்கம் நாளுக்கு நாள் அதிகரித்து கொண்டே வருகிறது. இந்நிலையில், இன்று ஒரே நாளில் 1,974 பேருக்கு கொரோனா தொற்று உறுதிசெய்யப்பட்டுள்ள நிலையில், தமிழகத்தில் கொரோனா பாதித்தோரின் எண்ணிக்கை 44,661 ஆக உயர்ந்துள்ளது.

அதுமட்டுமின்றி, தமிழகத்தில் இதுவரை இல்லாத அளவாக,நேற்று ஒரே நாளில் 38 பேர் உயிரிழந்துள்ளதால், உயிரிழந்தோரின் எண்ணிக்கை 435 ஆக அதிகரித்துள்ளது. இதில் தனியார் மருத்துவமனையில் 16 பேரும், அரசு மருத்துவமனையில் 22 பேர் உயிரிழந்துள்ளதாக சுகாதார துறை அமைச்சகம் தெரிவித்தது. 

இதில் எந்தவித அறிகுறியும் இல்லாமல் 7 பேர் கொரோனாவால் நேற்று ஒரே நாளில் உயிரிழந்துள்ளனர் என சுகாதாரத்துறை அறிக்கையில் தெரிவிக்கப்பட்டுள்ளது. ஜூன் 6 முதல் இப்போது வரை  எந்தவித அறிகுறியும்  41 பேர் கொரோனாவால் உயிரிழந்துள்ளனர்.