முதுநிலை பொறியியல் தேர்வு முடிவுகள் வெளியீடு!சாதித்த மாணவர்கள்

இளநிலை மற்றும் முதுநிலை பொறியியல் மாணவர்களுக்கு செப்டம்பர் இறுதியில் நடத்தப்பட்ட இறுதி செமஸ்டர் தேர்வு முடிவுகள் வெளியிடப்பட்டுள்ளது.

கொரோனாத் தொற்றுப் பரவல் காரணமாக இறுதியாண்டு மாணவர்களுக்கான செமஸ்டர் தேர்வுள் தவிர்த்து மற்ற ஆண்டு தேர்வுகளை தமிழக அரசு ரத்து செய்தது.

மேலும் நடைபெறும் தேர்வுகளில் மாணவர்கள் பெற்ற அக மற்றும் புற மதிப்பீடு  அடிப்படையில் தேர்ச்சி மதிப்பெண் வழங்கப்படும் என்று அரசு அறிவித்தது.

இந்நிலையில் திட்டமிட்ட படி அண்ணா பல்கலைக் கழகம் செயற்கை நுண்ணறிவு தொழில் நுட்பம் உதவியுடன் ஆன்லைன் மூலமாக இளநிலை மற்றும் முதுநிலை பொறியியல் இறுதியாண்டு செமஸ்டர் தேர்வினை நடத்தியது.

செப்., 24 முதல் 29 வரை நடைபெற்ற இத்தேர்வுகள்  30 மதிப்பெண்களுக்கு 1 மணி நேரம்  என ஆன்-லைன் வழியாக நடத்தப்பட்டது.

இத்தேர்வுகளின் முடிவுகள் தற்போது வெளியிடப்பட்டுள்ளன. அண்ணா பல்கலைக் கழக இணைய தளங்களில் இதனை பார்க்க முடியும் .இந்த தேர்வில், அதிக அளவில் மாணவர்கள்  தேர்ச்சி பெற்றுள்ளனர் என்பது குறிப்பிடத்தக்கது.