சீமானுக்கு பட்டாக்கத்தியுடன் மிரட்டல் விடுத்த டிக்டாக் இளைஞர்கள் கைது.!

• தாம்பரம் பகுதியைச் சேர்ந்த 5 இளைஞர்கள் கானா பாடல் பாடி சீமானுக்கு மிரட்டல் கொடுப்பது போன்ற வரிகளை போட்டு டிக்டாக் வீடியோ ஒன்றை வெளியிட்டுள்ளனர்.
• தற்போது அந்த இளைஞர்கள் 5 பேரையும் கைது செய்து போலீசார் விசாரணை நடத்தி வருகின்றனர்.

இன்றைய இளைய தலைமுறையினர் மட்டுமின்றி நடுத்தர வயதைச் சேர்ந்தவர்களும் டிக்டாக் செயலியில் வீடியோக்களை வெளியிட்டு தங்கள் திறமைகளை வெளிப்படுத்தி வருகின்றனர். ஒரு சிலர் இதில் அடிமையாகி இருப்பதும் டிக்டாக் செயலியை சட்டவிரோத செயலுக்கு பயன்படுத்தி வருவதும் உண்டு.

இந்நிலையில், சென்னை மேற்கு தாம்பரம் பகுதியைச் சேர்ந்த ஐந்து இளைஞர்கள் டிக்டாக் செயலி மூலம் நாம் தமிழர் கட்சியின் ஒருங்கிணைப்பாளர் சீமானுக்கு மிரட்டல் விடுத்தது பெரும் பரபரப்பை ஏற்படுத்தியிருந்தது. சென்னை தாம்பரம் பகுதியை சேர்ந்த ஐந்து இளைஞர்கள் பட்டாக்கத்தியை காட்டி நாம் தமிழர் கட்சியின் சீமானுக்கு மிரட்டல் கொடுப்பது போன்ற வரிகளை பாடி சவால் விடுத்துள்ளனர்.

இந்த டிக் டாக் வீடியோ சமூக வலைதளங்களில் வைரல் ஆகி வந்தநிலையில் இது குறித்து விசாரணை செய்த போலீசார், மணி, சுரேஷ், கிஷோர், அஜித் மற்றும் நிஷாந்த் ஆகிய ஐந்து இளைஞர்களை கைது செய்யப்பட்டு போலீசார் விசாரணையில், ஏன் அந்த கோவம், ஏன் அப்படி பாடியுள்ளீர்கள் என விசாரணை நடத்தி வருகின்றனர். நாம் தமிழர் கட்சியில் சீமானுக்கு டிக் டாக் மூலம் மிரட்டல் விடுத்த சம்பவம் பெரும் பரபரப்பை ஏற்படுத்தியுள்ளது.