காவிரி விவகாரத்தில் முதலமைச்சர் உச்சநீதிமன்றத்தை நாட உள்ளார் – அமைச்சர் எம்.ஆர்.கே.பன்னீர்செல்வம்

MRK [Imagesource : EVTbharat]

காவிரி விவகாரத்தில் தமிழக அரசுக்கும், கர்நாடகா அரசுக்கும் தொடர்ந்து மோதல் போக்கு நிலவுகிறது. கர்நாடகா அரசு தமிழக அரசு கேட்டதை விட குறைந்த அளவு தண்ணீர் தான் வழங்கப்படும் என தெரிவித்து வருகிறது. இந்த நிலையில் காவிரி விவகாரத்தில், உச்சநீதிமன்றத்தை நாடவுள்ளதாக தெரிவிக்கப்பட்டிருந்தது.

இதனை தொடர்ந்து, அமைச்சர் எம்.ஆர்.கே.பன்னீர்செல்வம் அவர்கள், செய்தியாளர்களுக்கு பேட்டி அளித்துளளார். அப்போது பேசிய அவர், 2 ஆண்டு கால ஆட்சியில், விவசாயிகளுக்கு 2 லட்சம் மின் இணைப்புகள் வழங்கப்பட்டுள்ளது; 46 ஆண்டுகள் இல்லாத அளவுக்கு இம்முறை நெல் உற்பத்தி அதிகரித்துள்ளது, விவசாய பரப்பளவும் அதிகரித்துள்ளது.

காவிரி விவகாரத்தில் முதலமைச்சர் உச்சநீதிமன்றத்தை நாட உள்ளார், தண்ணீர் பற்றாக்குறை இல்லாத நிலை ஏற்படும்; டெல்டா மாவட்டங்களுக்கு பாதிப்பு ஏற்படுத்தும் புதிய திட்டங்களுக்கு தடை விதிக்கப்படும் என தெரிவித்துள்ளார்.