CSKvsDC: டெல்லி அசத்தல் பந்துவீச்சு..! சென்னை அணி 167 ரன்கள் குவிப்பு..!

CSK vs DC [ImageSource : Twitter/@IPL]

ஐபிஎல் தொடரின் இன்றைய CSK vs DC போட்டியில், முதலில் பேட் செய்த சென்னை அணி 167/8 ரன்கள் குவித்துள்ளது.

16-வது ஐபிஎல் தொடரின் இன்றைய போட்டியில் சென்னை சூப்பர் கிங்ஸ் மற்றும் டெல்லி கேபிட்டல்ஸ் அணிகள் சென்னை சேப்பாக்கத்தில் பலப்பரீட்சை நடத்துகின்றன. இந்த போட்டியில் டாஸ் வென்ற சென்னை அணி கேப்டன் தோனி, முதலில் பேட்டிங்கை தேர்வு செய்தார்.

அதன்படி, சென்னை அணியில் முதலில் களமிறங்கிய ருதுராஜ் கெய்க்வாட், கான்வே நல்லத் தொடக்கம் அமைத்துக்கொடுத்தனர். இருவரும் ஆட்டமிழந்த நிலையில் சிவம் துபே 3 சிக்ஸர்களை விளாசி 12 பந்துகளில் 25 ரன்களை குவித்தார். அவருடன் அம்பதி ராயுடு இணைந்து 23 ரன்கள் எடுக்க இருவரும் தங்களது விக்கெட்டை இழந்தனர்.

இவர்களையடுத்து, களமிறங்கிய ரவீந்திர ஜடேஜா மற்றும் தோனி பொறுப்பாக விளையாடி ரன்களை எடுக்க, மிட்செல் மார்ஷ் வீசிய பந்தில் தங்களது விக்கெட்டை இழந்து களத்தை விட்டு வெளியேறினர். முடிவில், சென்னை அணி 20 ஓவர்களில் 8 விக்கெட்டுகளை இழந்து 167 ரன்கள் அடித்தது.

சென்னை அணியில் அதிகபட்சமாக சிவம் துபே 25 ரன்களும், ருதுராஜ் கெய்க்வாட் 24 ரன்களும், அம்பதி ராயுடு 23 ரன்களும், ரஹானே 21 ரன்களும் குவித்துள்ளனர். டெல்லி அணியில் மிட்செல் மார்ஷ் 3 விக்கெட்டுகளையும், அக்சர் படேல் 2 விக்கெட்டுகளையும் வீழ்த்தியுள்ளனர்.