சர்வதேச போட்டியில் இருந்து ஓய்வை அறிவித்த டேல் ஸ்டெயின்!

தென்னாபிரிக்க அணியின் வேகப்பந்து வீச்சாளர் டேல் ஸ்டெயின் சர்வதேச போட்டியான டெஸ்ட் போட்டியில் இருந்து தனது ஓய்வை அறிவித்தார். டேல் ஸ்டெயின் கடந்த 2004 ஆம் ஆண்டு முதல் டெஸ்ட் போட்டிகளில் தென்னாப்பிரிக்கா அணிக்காக விளையாடி வருகிறார். டேல் ஸ்டெயின் இதுவரை 93 போட்டிகளில் விளையாடி 439 விக்கெட்டுகளை வீழ்த்தியுள்ளார்.

தென்னாப்பிரிக்க அணி சார்பில் அதிக விக்கெட்டை வீழ்த்தி வீரர்களில் டேல் ஸ்டெயின் முதலிடத்திலுள்ளார். சர்வதேச டெஸ்ட் போட்டிகளில் அதிக விக்கெட்டை வீழ்த்தி வீரர்களில் எட்டாவது இடத்தில் உள்ளார்.

இந்நிலையில் நேற்று சர்வதேச போட்டியான டெஸ்ட் தொடரிலிருந்து ஓய்வை அறிவித்தார். இது குறித்து அவர் கூறுகையில் “எனக்கு பிடித்த மிகவும் போட்டியில் இருந்து எனது ஓய்வை அறிவித்து உள்ளேன். டெஸ்ட் போட்டிதான் வரலாற்றில் மிகச்சிறந்த போட்டி ஏனென்றால் இப்போட்டியில் தான் நாம் மனதளவிலும் , உடலளவிலும் மற்றும் உணர்வு அளவிலும் சோதனை செய்கின்றன.

இனி டெஸ்ட் போட்டிகளில் இருந்து விளையாட முடியாது. நான் இனிமேல் ஒருநாள் மற்றும் டி20 போட்டியில் அதிக கவனம் செலுத்தி உள்ளேன். என்னுடைய கிரிக்கெட் வாழ்க்கை இதுவரை  உறுதுணையாக இருந்த  அனைவருக்கும் நன்றி என கூறினார்.