ஆஸ்திரேலிய அணியின் சாதனையை முறியடித்த இந்திய அணி !

நேற்றைய போட்டியில் இந்திய அணி, இலங்கை அணி உடன்  லீட்ஸில்  உள்ள ஹெடிங்லி மைதானத்தில் மோதியது. இப்போட்டியில்  டாஸ் வென்ற இலங்கை அணி பேட்டிங்கை தேர்வு செய்தது.

முதலில் இறங்கிய  இலங்கை 50 ஓவர் முடிவில் 7 விக்கெட்டை இழந்து 264 ரன்கள் எடுத்தது. பின்னர் இறங்கிய இந்திய அணி 43.3 ஓவர் முடிவில் 265 ரன்கள் அடித்து 7 விக்கெட் வித்தியாசத்தில் வெற்றி பெற்றது.

இப்போட்டியில் இந்திய அணியின் தொடக்க வீரர்களான ரோஹித் ,கே .எல் ராகுல் இருவரும்  களமிறங்கி இருவருமே சதம் விளாசி இந்திய அணி வெற்றி பெறும் உதவியாக இருந்தார்கள். இந்நிலையில் இதுவரை நடந்த உலகக்கோப்பையில் ஆஸ்திரேலிய அணி 30 சதம் விளாசி முதலிடத்தில் இருந்தது.

இந்த சாதனையை பங்களாதேஷ் அணிக்கு எதிரான போட்டியில் ரோஹித் சதம் அடித்ததன் மூலம் இந்திய அணி சமன் செய்தது. தற்போது நேற்றைய போட்டியில் இந்திய அணி சார்பில் இரண்டு சதம் அடித்ததன் மூலம் உலகக்கோப்பையில் 32 சதம் அடித்து  இந்திய அணி முதலிடம் பிடித்து உள்ளது.