பந்து வீச்சில் மிரட்டிய கொல்கத்தா.., 127 ரன்னில் சுருண்ட டெல்லி..!

டெல்லி அணி 20 ஓவர் முடிவில் 9 விக்கெட்டை இழந்து 127 ரன்கள் எடுத்தனர்.

ஐபிஎல் 2021 இன் 41 வது லீக் போட்டியில் கொல்கத்தா நைட் ரைடர்ஸ் அணி, டெல்லி கேபிடல்ஸ் அணி மோதி வருகிறது. இப்போட்டியானது ஷார்ஜா மைதானத்தில் நடைபெற்று வருகிறது. இப்போட்டியில் டாஸ் வென்ற கொல்கத்தா பந்து வீச தேர்வு செய்தனர்

அதன்படி, டெல்லி அணியில் தொடக்க வீரர்களாக தவான், ஸ்மித் இருவரும் களமிறங்கினர். ஆட்டம் தொடங்கத்திலே இருந்து இருவரும் நிதானமாக விளையாடினர். 5-வது ஓவரில் தவான், லோக்கி பெர்குசன் வீசிய பந்தை வெங்கடேஷ் ஐயரிடம் கேட்சை கொடுத்து 24 ரன்னில் விக்கெட்டை இழந்தார். பின்னர், களமிறங்கிய ஸ்ரேயாஸ் ஐயர் வந்த வேகத்தில் 1 ரன் எடுத்து வெளியேறினார்.

அடுத்து கேப்டன் ரிஷப் பண்ட் களமிறங்க சிறப்பாக விளையாடி வந்த ஸ்மித் லோக்கி பெர்குசன் ஓவரில் 39 ரன்னில் போல்ட் ஆனார். இதையெடுத்து, களம் கண்ட ஹெட்மியர் 4 ரன், லலித் யாதவ், ஆக்சர் படேல் டக் அவுட் ஆனார்கள். இதனால், டெல்லி அணி 92 ரன்னில் 6 விக்கெட்டை இழந்தனர். பின்னர் களத்தில் இருந்த கேப்டன் ரிஷப் பண்ட் 39 ரன் எடுத்து கடைசி ஓவரில் ரன் அவுட் ஆனார்.

இறுதியாக டெல்லி அணி 20 ஓவர் முடிவில் 9 விக்கெட்டை இழந்து 127 ரன்கள் எடுத்தனர். கொல்கத்தா அணியில் லோக்கி பெர்குசன், சுனில் நரைன், வெங்கடேஷ் ஐயர் தலா 2 விக்கெட்டை பறித்தனர். 128 ரன்கள் இலக்குடன் கொல்கத்தா அணி களமிறங்கவுள்ளது.