இன்று மும்பை – ஹைதராபாத் மோதல் ! முதல் வெற்றியை பதிவு செய்யப் போவது யார்?

SRHvsMI :  இன்று நடைபெறும் ஐபிஎல் போட்டியில் மும்பை இந்தியன்ஸ் அணியும் ஹைதராபாத் அணியும் மோதுகிறது.

இந்த ஆண்டு ஐபிஎல் தொடர் விறு விறுப்பாக தொடங்கி நடைபெற்று வருகிறது. இதுவரை 7 போட்டிகள் நடைபெற்று முடிந்து இருக்கும் நிலையில், இன்று 8-வது போட்டி ஹைதராபாத்தில் இருக்கும் ராஜீவ் காந்தி சர்வதேச மைதானத்தில் நடைபெறுகிறது. இந்த போட்டியில் மும்பை இந்தியன்ஸ் அணியும் ஹைதராபாத் அணியும் மோதுகிறது.

இந்த சீசனில் இந்த இரண்டு அணிகளுக்கு விளையாடிய முதல் போட்டியில் தோல்வியை சந்தித்து இருக்கிறது. அதன்படி, முதல் போட்டியில் மும்பை அணி குஜராத் அணியை எதிர்கொண்டு விளையாடியது அந்த போட்டியில் 6 ரன்கள் வித்தியாசத்தில் தோல்வி அடைந்தது. அதைப்போல, ஹைதராபாத் அணி முதல் போட்டியில் கொல்கத்தா அணியை எதிர்கொண்டு விளையாடியது. அந்த போட்டியில் 4 ரன் கள் வித்தியாசத்தில் தோல்வியை சந்தித்தது.

எனவே, மும்பை மற்றும் ஹைதராபாத் இந்த இரண்டு அணிகளும் இந்த சீசனில் விளையாடிய முதல் போட்டியில் தோல்வி அடைந்து இருக்கும் நிலையில், கண்டிப்பாக இன்று நடைபெறும் போட்டியில் வெற்றிபெற்று இந்த சீசனில் முதல் வெற்றியை பதிவு செய்யவேண்டும் என்ற முனைப்புடன் களம் காண்கிறது.

நேருக்கு நேர் 

இதற்கு முன்பு மும்பை அணியும் ஹைதராபாத் அணியும் நேருக்கு நேராக 21 போட்டிகள் மோதியுள்ளது. இதில் 12 முறை மும்பை இந்தியன்ஸ் அணி வெற்றிபெற்று இருக்கிறது. 9 முறை மட்டுமே ஹைதராபாத் அணி வெற்றிபெற்று இருக்கிறது. எனவே, நேருக்கு நேர் புள்ளி விவரத்தை வைத்து பார்க்கையில் மும்பை இந்தியன்ஸ் அணியே அதிகமுறை வெற்றிபெற்று இருக்கிறது.

இன்று விளையாட எதிர்பார்க்கப்படும் வீரர்கள் (Probable Playing XI)

மும்பை இந்தியன்ஸ் அணி வீரர்கள் :

ரோஹித் சர்மா, இஷான் கிஷன் (விக்கெட் கீப்பர்), திலக் வர்மா, நமன் திர், ஹர்திக் பாண்டியா (கேப்டன்), டிம் டேவிட், ஷம்ஸ் முலானி, பியூஷ் சாவ்லா, ஜெரால்ட் கோட்ஸி, ஜஸ்பிரித் பும்ரா, லூக் வுட்.

ஹைதராபாத் அணி வீரர்கள் :

மயங்க் அகர்வால், அபிஷேக் சர்மா, ராகுல் திரிபாதி, ஐடன் மார்க்ரம், ஹென்ரிச் கிளாசென் (விக்கெட் கீப்பர்), அப்துல் சமத், ஷாபாஸ் அகமது, மார்கோ ஜான்சன், பாட் கம்மின்ஸ் (கேப்டன்), புவனேஷ்வர் குமார், மயங்க் மார்கண்டே