இந்தியாவுடன் மோதப்போவது யார்.? ஆஸ்திரேலியா, தென்னாப்பிரிக்கா அணிகள் இன்று மோதல்.!

RSA vs AUS [File Image]

நடப்பாண்டுக்காண ஐசிசி ஒருநாள் உலக கோப்பைத் தொடரின் அரையிறுதி போட்டிகள் நடந்து வருகிறது. இதில் முதல் அரையிறுதி போட்டியானது, நேற்று (15.11.2023) மும்பையில் உள்ள வான்கடே மைதானத்தில் நடைபெற்றது. இந்த போட்டியில் இந்தியாவுக்கு எதிராக விளையாடிய நியூசிலாந்து அணி, இறுதியில் அனைத்து விக்கெட்டுகளையும் இழந்து தோல்வியைத் தழுவியது.

இதனால் இந்திய அணி இறுதி போட்டிக்கு முன்னேறியது. இந்நிலையில் இரண்டாவது அரையிறுதிப் போட்டியானது இன்று நடைபெற உள்ளது. கொல்கத்தாவில் உள்ள ஈடன் கார்டன்ஸ் மைதானத்தில் நடைபெறும் இந்த இரண்டாவது அரையிறுதிப் போட்டியில் டெம்பா பவுமா தலைமையிலான தென்னாப்பிரிக்கா மற்றும் பாட் கம்மின்ஸ் தலைமையிலான ஆஸ்திரேலியா ஆகிய இரு அணிகள் மோதுகிறது.

சொந்தமண்ணில் பழிக்கு பழி … இறுதிப்போட்டிக்கு சென்ற இந்தியா..!

இந்தத் தொடரில் தென்னாப்பிரிக்கா லீக்கில் விளையாடிய 9 போட்டிக்களில் 7-ல் வெற்றி பெற்றுள்ளது. தனது பேட்டிங் திறமையால் 1.261 ரன் ரேட் உடன் 14 புள்ளிகளைப் பெற்று, புள்ளிப்பட்டியலில் இரண்டாவது இடத்தைப் பிடித்தது. அதேபோல பலம் வாய்ந்த ஆஸ்திரேலியா அணி 7 லீக் போட்டிகளில் வெற்றி பெற்றுள்ளது.

இதனால் 14 புள்ளிகளைப் பெற்றிருந்தாலும், ரன்ரேட் அடிப்படையில் (0.841) ஆஸ்திரேலியா அணி மூன்றாவது இடத்தில் உள்ளது. இத்தொடரில் ஆஸ்திரேலியா, தென்னாப்பிரிக்கா அணிகள் நேருக்கு நேர் மோதிய லீக் ஆட்டத்தில் தென்னாப்பிரிக்கா 134 ரன்கள் வித்தியாசத்தில் வெற்றி பெற்றது. நடப்புத் தொடர் முழுவதிலும் தென்னாப்பிரிக்கா 300 முதல் 400க்கும் அதிகமான ரன்களை குவித்து வெற்றி பெற்றுள்ளது.

அதோடு தென்னாப்பிரிக்கா இதுவரை வெற்றி பெற்ற போட்டிகளில் பேட்டிங் தேர்வு செய்து விளையாடியுள்ளது. உலக கோப்பை வரலாற்றில் தென்னாப்பிரிக்கா அணி இதுவரை 4 முறை அரையிறுதிக்குச் சென்றுள்ளது. அந்த நான்கு போட்டிலும் தோல்வியை சந்தித்து வெளியேறிய நிலையில், இன்றைய போட்டியில் வெற்றி பெரும் முனைப்பில் களமிறங்கவுள்ளது.

உலக சாதனையை முறியடித்த விராட்… பாராட்டிய சச்சின் டெண்டுல்கர்…!

இதுவரை 5 முறை உலக கோப்பை சாம்பியன் பட்டம் வென்ற ஆஸ்திரேலியா, அடுத்தடுத்து விளையாடிய அனைத்துப் போட்டிகளிலும் வெற்றி பெற்று அரையிறுதிக்கு முன்னேறியது. இதுவரை, ஆஸ்திரேலியாவும் தென்னாப்பிரிக்காவும் ஐசிசி ஒருநாள் கிரிக்கெட் உலகக் கோப்பை போட்டிகளில் 7 முறை நேருக்கு நேர் மோதியுள்ளன. இதில் இரண்டு அணிகளுமே 3 முறை வெற்றியடைந்துள்ளன. ஒரு போட்டி டை ஆனது.

இந்த தொடரில் தென்னாப்பிரிக்காவின் ஃபார்மைப் பார்க்கையில் இந்த இரண்டாவது அரையிறுதி போட்டியில் ஆஸ்திரேலியாவை வீழ்த்துவதற்கு வாய்ப்புகள் கொஞ்சம் அதிகமாக இருக்கும். இருந்தாலும், இந்த இரு அணிகளுக்கும் இடையே போட்டி எளிதாக இருக்காது. இந்த போட்டியில் வெற்றி பெறும் அணி 19ம் தேதி நடைபெறும் இறுதிப் போட்டியில் இந்தியாவுடன் மோதும். எனவே இந்த போட்டியில் வெற்றி பெற்று எந்த அணி இறுதிப்போட்டிக்குச் செல்லும் என்ற எதிர்பார்ப்பு ரசிகர்களிடையே அதிகரித்துள்ளது.