மேக்ஸ்வெல் அடித்த அதிரடி சிக்ஸ்….. ஏலத்திற்கு செல்லும் இருக்கை..!

நியூசிலாந்து – ஆஸ்திரேலியா இடையேயான 5 டி-20 தொடர்களை கொண்ட போட்டி நடைபெற்று வருகிறது. இதில் இரண்டு போட்டிகள் முடிந்த நிலையில், இரண்டிலும் நியூசிலாந்து அணிதான் வெற்றி பெற்றுள்ளது. மூன்றாவது போட்டி நேற்று முன்தினம் வெல்லிங்டனில் நடைபெற்றது . இதில் அதிரடியாக விளையாடிய ஆஸ்திரேலியா அணி 64 ரன்கள் வித்தியாசத்தில் வெற்றி பெற்றது.

குறிப்பாக இந்த போட்டியில் ஆஸ்திரேலியா அணியின் அதிரடி ஆட்டக்காரரான கிளென் மேக்ஸ்வெல் அபாரமாக விளையாடி 31 பந்துகளில் 70 ரன்கள் அடித்தார். இந்த போட்டியில் ஜிம்மி நீஷம் 17 வது ஓவரை வீசிய போது மேக்ஸ்வெல் 2 சிக்ஸர் விளாசினார். அப்போது ஒரு சிக்ஸர் மைதானத்தில் உள்ள ஒரு இருக்கையில் வேகமாக சென்று அங்குள்ள இருக்கை உடைத்தது. இதனை பார்த்த அங்குள்ள ஒருவர் பெண்கள் அமைப்புக்கு உதவ இந்த இருக்கையை ஏலம் விடப்போகிறேன் என்று தனது ட்வீட்டர் பக்கத்தில் ட்வீட் செய்திருந்தார்.

உடனடியாக அந்த உடைந்த இருக்கையில் மேக்ஸ்வெல் தனது கையெழுத்தையிட்டார். மேலும் உடனடியாக தனது கையெழுத்தையிட்டு உதவியதால் மேக்ஸ்வெல்லிற்கு பல தரப்பிலிருந்து வாழ்த்துக்கள் குவிந்து வருகிறது.
மேலும் அவர் அடித்த அந்த சிக்ஸரின் வீடியோவும் இணையத்தளத்தில் வைரலாகி வருகிறது.