தங்கம் வென்றார் ‘தங்க மகன்’ நீரஜ் சோப்ரா ..!! 85.97.மீ தூரம் ஈட்டி எறிந்து அசத்தல்!

Neeraj Chopra [file image]

நீரஜ் சோப்ரா: நடப்பு ஆண்டின் பாவோ நர்மி விளையாட்டுப் போட்டியானது துர்குவில் உள்ள பாவோ நர்மி ஸ்டேடியத்தில் இன்று (ஜூன்-18)செவ்வாய்க்கிழமை நடைபெற்றது. இதில் ஈட்டி எறிதல் போட்டியில் இந்தியா சார்பாக கலந்து கொண்ட இந்தியாவை சேர்ந்த ‘தங்கமகன்’ நீரஜ் சோப்ரா தற்போது தங்கம் வென்றுள்ளார்.

இந்த ஈட்டி எறிதல் போட்டியில் இந்தியாவை சேர்ந்த நீரஜ் சோப்ரா 85.97 மீட்டர் தூரம் ஈட்டி எறிந்து அசத்தியிருக்கிறார். நடைபெற்ற இந்த ஈட்டி எறிதல் போட்டியின் முதல் சுற்றில் நீரஜ் 83.62 மீட்டர் தூரம் எறிந்து முன்னணியில் இருந்தார். ஆனால், பின்லாந்து நாட்டை சேர்ந்த ஹெலாண்டர் 83.96 மீட்டர் தூரம் எறிந்து நீரஜை விட தூரம் எறிந்து முன்னிலை பெற்றார்.

அதன் பிறகு, நடைபெற்ற மூன்றாவது சுற்றில் தான் நீரஜ் 85.97 மீட்டர் தூரம் அசத்தலாக ஈட்டியை எறிந்து மீண்டும் முன்னிலை பெற்றார். இதன் மூலம் தங்கப்பதக்கத்தை வென்று இந்திய நாட்டிற்கு பெருமையை தேடி தந்துள்ளார். நீரஜ் 5-வது முறையாக இந்த பாவோ நர்மி விளையாட்டுப் போட்டியில் கலந்து கொண்டுள்ளார்.

அதே நேரம், கடந்த 2022-ம் ஆண்டின் பாவோ நர்மி விளையாட்டுப் போட்டியில் பின்லாந்தை சேர்ந்த ஒலிவர் ஹெலாண்டர் நீரஜை முந்தி தங்கப் பதக்கம் வென்றார் குறிப்பிடத்தக்கது.