கொரோனாவை வென்று இதுவரை 10 லட்சம் பேர் வீடு திரும்பிவிட்டனர்.!

இதுவரை 10,01,072 பேர் கொரோனா வைரஸ் தாக்கத்தில் இருந்து குணமடைந்தனர்.

உலகை அச்சுறுத்தி வரும் கொரோனா வைரஸின் தாக்கம் நாளுக்கு நாள் அதிகரித்த வண்ணம் இருக்கிறது. இந்த வைரஸ் தாக்கத்தால் இதுவரை 32,20,969 பேர் பாதிக்கப்பட்டுள்ளனர்.

இதுவரை 2,28,251 பேரின் உயிரை இந்த கொரோனா பறித்துள்ளது. இதில் சிறிய மன ஆறுதல் தரும் செய்தி என்னவென்றால் 10 லட்சத்திற்கும் அதிகமானோர் இந்த கொரோனா வைரஸ் தாக்கத்தில் இருந்து மீண்டு வீடு திரும்பியுள்ளனர். இதுவரை 1,001,072 பேர் குணமடைந்தனர்.

இதில் அதிகமாக பாதிக்கப்பட்ட அமெரிக்காவில் 1,45,345 பேர் பாதிப்பில் இருந்து மீண்டுள்ளனர். அடுத்ததாக ஸ்பெயினில் 1,32,929 மூன்றாவது இடத்தில் இத்தாலி நாடு உள்ளது. அங்கு 71,252 பேர் குணமடைந்து வீடு திரும்பியுள்ளனர்.