டான் திரைப்படத்தின் அட்டகாசமான அப்டேட்.!

டான் திரைப்படத்தின் அடுத்த கட்ட படப்பிடிப்புக்காக படக்குழு பொள்ளாச்சி சென்றுள்ளனர்.

நடிகர் சிவகார்த்தியன் தற்போது நெல்சன் திலீப் குமார் இயக்கத்தில் டாக்டர் என்ற படத்தில் நடித்து முடித்துள்ளார். இந்த திரைப்படத்தின் ரிலீஸ் தேதி விரைவில் அறிவிக்கப்படும் என்று எதிர்பார்க்கப்படுகிறது. இந்த படத்தை தொடர்ந்து இயக்குனர் ஆர்.ரவிக்குமார் இயக்கத்தில் அயலான் என்ற படத்தில் நடித்து முடித்துள்ளார். இந்த திரைப்படமும் ரிலிஸுக்கு தயாராகவுள்ளது.

இந்த நிலையில், இந்த இரண்டு படங்களை தொடர்ந்து நடிகர் சிவகார்த்திகேயன் தற்போது இயக்குனர் சிபி சர்க்கரவர்த்தி இயக்கத்தில் டான் என்ற படத்தில் நடித்து வருகிறார். படத்திற்கு இசையமைப்பாளர் அனிருத் இசையமைத்து வருகிறார். சத்திய ஜோதி பிலிம்ஸ் நிறுவனம் மற்றும் சிவகார்த்திகயேன் தயாரிப்பு நிறுவனம் இணைந்து இந்த படத்தை தயாரிக்கின்றார்கள்.

படத்திற்கான படப்பிடிப்பு கடந்த சில மாதங்களுக்கு முன்பு விறு விறுப்பாக நடைபெற்று வந்த நிலையில், கொரோனா இரண்டாம் அலை காரணமாக படப்பிடிப்பு நிறுத்தப்பட்டது. அதனை தொடர்ந்து மீண்டும் ஜூலை 17 ஆம் தேதி முதல் சென்னையில் மீண்டும் படப்பிடிப்பு தொடங்கியது. இதனை தொடர்ந்து தற்போது அடுத்த கட்ட படப்பிடிப்புக்காக படக்குழு பொள்ளாச்சி சென்றுள்ளனர். அதன் படி டான் படத்தின் படப்பிடிப்பு இன்று முதல் பொள்ளாச்சியில் தொடங்கவுள்ளது. விரைவில் படத்திற்கான மற்ற அறிவிப்புகள் வெளியாகும் என்று கூறப்படுகிறது.