மகனுக்கு முடிவெட்டி சிகை அலங்காரம் செய்யும் பிரபல நடிகர்.!

நடிகர் ஜெயம் ரவி தனது மகனுக்கு முடி வெட்டி சிகை அலங்காரம் செய்யும் புகைப்படம் ஒன்று சமூக வலைத்தளங்களில் வெளியாகியுள்ளது.

தமிழ் சினிமாவில் முன்னணி நடிகர்களில் ஒருவராக உயர்ந்து கொண்டிருப்பவர் ஜெயம் ரவி. அவர் தற்போது சுஜாதா விஜயகுமார் தயாரிப்பில் லட்சுமணன் இயக்கும் பூமி படத்தில் நடித்து வருகிறார். இந்த படத்திற்கு டி. இமான் இசையமைக்கிறார். இந்த படத்தின் டீசர் அண்மையில் வெளியாகி ரசிகர்கள் மத்தியில் பெரும் வரவேற்பைப் பெற்றது. 

தற்போது ஊரடங்கு காரணமாக பல பிரபலங்கள் படப்பிடிப்புகள் ரத்து செய்யப்பட்டதன் காரணமாக வீட்டில் முடங்கிக் கிடக்கின்றனர். மேலு‌ம் இன்று முதல் காய்கறி கடைகளையும், டீக்கடைகளையும், அத்தியாவசிய ஒரு சில கடைகளையும் திறக்க அனுமதி வழங்கி ஊரடங்கில் தளர்வு செய்துள்ளனர். ஆனால் சலூன் கடைகளையும், அழகு நிலையங்களையும் திறக்க அனுமதி வாங்கவில்லை.

இதனால் கடந்த இரண்டு மாதங்களாக முடிகளை வெட்டாமல் இருந்த நிலையில் பலர் வீட்டிலையே ஒருவருக்கொருவர் முடிகளை மாற்றி மாற்றி வெட்டி வருகின்றனர். பல பிரபலங்களும் அவ்வாறு சிகை அலங்காரம் செய்யும் வீடியோவையும், புகைப்படங்களையும் சமூக வலைத்தளங்களில் வெளியிட்டு வருகின்றனர். இந்த நிலையில் தற்போது நடிகர் ஜெயம் ரவி தனது மகனுக்கு முடி வெட்டி சிகை அலங்காரம் செய்யும் புகைப்படம் ஒன்று சமூக வலைத்தளங்களில் வெளியாகியுள்ளது. அந்த புகைப்படம் சமூக வலைத்தளங்களில் மிகவும் வைரலாகி வருகிறது.