தளபதி விஜயுடன் நடிப்பது கனவு! நிறைவேறுமா ராசி கன்னாவின் ஆசை.!

விஜயுடன் நடிப்பதற்கு மிகவும் ஆர்வமாக உள்ளேன் என ராசி கன்னா தெரிவித்துள்ளார். 

தெலுங்கில் ரூபி சிங் என்ற படத்தின் மூலம் அறிமுகமானவர் நடிகை ராசி கன்னா. தமிழில் இமைக்கா நொடிகள் படத்தின் மூலம் அறிமுகமானார். விஜய் சேதுபதிக்கு ஜோடியாக துக்ளக் தர்பார் படத்திலும், ஆர்யாவிற்கு ஜோடியாக அரண்மனை 3 படத்திலும் நடித்து முடித்துள்ளார்.

இதனை தொடர்ந்து தனுஷிற்கு ஜோடியாக திருச்சிற்றம்பழம் படத்திலும், கார்த்திகு ஜோடியாக சர்தார் படத்திலும் நடித்து வருகிறார். இதுமட்டுமின்றி, தெலுங்கில் இரண்டு படங்களிலும், மலையத்தளத்தில் ஒரு திரைப்படத்திலும் நடித்து மிகவும் பிஸியான நடிகையாக வலம் வருகிறார்.

இந்த நிலையில், சமீபத்தில் ஒரு பேட்டியில் அவரிடம் விஜய் குறித்து கேட்கப்பட்ட கேள்விக்கு பதிலளித்துள்ளார். அதில் அவர் கூறியது ” தளபதி விஜயுடன் நடிப்பதற்கு மிகவும் ஆர்வமாக உள்ளேன். அவர் படத்தில் நடிப்பது எனக்கு கனவு”. அவருக்காக இமைக்கா நொடிகள் படத்திலிருந்து விளம்பர இடைவேளை பாட்டில் உள்ள சில வரிகளை தளபதி விஜய்க்காக பாடியுள்ளார். விரைவில் ராசி கன்னாவின் ஆசை நிறைவேறுமா என்பதை பொறுத்திருந்து பார்ப்போம்.