திரைப்பட தயாரிப்பாளர் ரியான் ஸ்டீபன் கொரோனாவால் உயிரிழப்பு..!

தயாரிப்பாளர் ரியான் ஸ்டீபன் கொரோனாவால் உயிரிழந்தது திரைப்பட உலகில் பெரும் சோகத்தை ஏற்படுத்தியுள்ளது.

பாலிவுட் திரைப்பட தயாரிப்பாளர் ரியான் ஸ்டீபன்(50) கொரோனாவால் பாதிக்கப்பட்டு இன்று சனிக்கிழமை கோவாவில் இறந்ததாக தயாரிப்பாளருக்கு நெருக்கமானவர்கள் தெரிவித்துள்ளனர். இவரது மறைவால் திரைப்பட துறையினர் பலரும் அவர்களது இரங்கலை தெரிவித்து வருகின்றனர். இவர் மிகவும் திறமையானவர் என்றும் இவரை இழந்திருப்பது வருத்தத்தை அளிக்கிறது என்றும் தெரிவித்துள்ளனர்.

ரியான் ஸ்டீபன் இந்தூ கி ஜவானி என்ற படத்தையும் தேவி என்ற குறும்படத்தையும் தயாரித்துள்ளார். இந்த குறும்படத்தில் கஜோல், ஸ்ருதி ஹாசன் மற்றும் நேஹா துபியா ஆகியோர் நடித்துள்ளனர்.

பாலிவுட் பிரபலங்கள் பலரும் இவரது இறப்பிற்கு இரங்கல் தெரிவித்து வருகின்றனர். கியாரா அத்வானி, வருண் தவான், பர்ஹான் அக்தர், தியா மிர்ஷா, மிலாப் சவேரி, ராகுல் தேவ் ஆகிய பிரபலங்கள் தங்களது இரங்கலை அவரின் குடும்பத்திற்கு தெரிவித்து வருகின்றனர்.