மக்கள் செல்வனின் ‘துக்ளக் தர்பார்’ படத்தினை குறித்த முக்கிய அப்டேட்.!

விஜய் சேதுபதியின் துக்ளக் தர்பார் படத்தின் பர்ஸ்ட் லுக் போஸ்ட்ர் நாளை வெளியிடப்படும் என்று அறிவிக்கப்பட்டுள்ளது.

விஜய் மற்றும் அஜித் இவர்களுக்கு அடுத்த இடத்தில் உயர்ந்து இருப்பவர் மக்கள் செல்வன் விஜய் சேதுபதி.   தற்போது இவர் விஜய்யின் மாஸ்டர் படத்தில் வில்லனாக நடித்து முடித்துள்ளார். வில்லனாக விஜய் சேதுபதியை பார்க்க ரசிகர்கள் பெரும் ஆவலுடன் எதிர்பார்த்து காத்திருக்கின்றனர். பல படங்களை தனது கைவசம் வைத்துள்ள விஜய் சேதுபதி, தற்போது நடிக்கும் படங்களில் ஒன்று துக்ளக் தர்பார்.

அறிமுக இயக்குனரான டெல்லி பிரசாத் இயக்கும் இந்தப் படத்தில் அதிதிராவ் ஹைத்ரி, மஞ்சிமா மோகன், பார்த்திபன், காயத்ரி ஷங்கர் உள்ளிட்ட பலர் முக்கிய வேடங்களில் நடித்துள்ளனர். கோவிந்த் வசந்தா இசையமைத்துள்ள இந்த படத்தினை செவன் ஸ்கிரீன் ஸ்டுடியோஸ் லலித் குமார் தயாரிக்கிறார். தற்போது இந்த படத்தின் பர்ஸ்ட் லுக் போஸ்ட்ரை நாளை மாலை 5மணிக்கு வெளியாகவுள்ளதாக அதிகாரப்பூர்வ அறிவிப்பு வெளியாகியுள்ளது. அரசியல் சம்பந்தப்பட்ட இந்த படத்தின் அப்டேட் குறித்து வெளியான தகவல் தற்போது ரசிகர்களை குஷிப்படுத்தியுள்ளது.