மெகா ஸ்டார் படத்தில் இணைகிறாரா கீர்த்தி சுரேஷ்.?

வேதாளம் திரைப்படத்தின் தெலுங்கு ரீமேக்கில் நடிகை கீர்த்தி சுரேஷ் நடிக்கவுள்ளதாக தகவல்கள் வெளியாகியுள்ளது. 

சிறுத்தை சிவா இயக்கத்தில் அஜித் நடிப்பில் தீபாவளி விருந்தாக வெளியான திரைப்படம் வேதாளம் . ரசிகர்கள் மத்தியில் பெரும் வரவேற்பை பெற்ற இந்த திரைப்படத்தில் லட்சுமி மேனன், ஸ்ருதிஹாசன்,சூரி உள்ளிட்ட பலர் நடித்துள்ளார்கள்.தற்போது இந்த படம் தெலுங்கு மற்றும் இந்தியில் ரீமேக் செய்யப்படவுள்ளது.

இதில் தெலுங்கில் அஜித் நடித்த கதாபாத்திரத்தில் சிரஞ்சீவி நடிக்கவுள்ளார். மெஹர் ரமேஷ் இயக்கும் இப்படத்தில் லட்சுமி மேனன் நடித்த கதாபாத்திரத்தில் சாய்பல்லவி நடிக்கவுள்ளதாக கூறப்பட்டது . ஆனால் தற்போது அந்த கதா பாத்திரத்தில் கீர்த்தி சுரேஷ் நடிக்கவுள்ளதாக தகவல்கள் வெளியாகியுள்ளன. மேலும் விரைவில் இதனை குறித்த அதிகாரப்பூர்வ அறிவிப்பு வெளிவரும் என்று எதிர்பார்க்கப்படுகிறது என்பது குறிப்பிடத்தக்கது.