புஷ்பா திரைப்படத்தின் புதிய அப்டேட்..!!

புஷ்பா திரைப்படத்தின் டீசர் இன்று மாலை 06.12 மணிக்கு படக்குழுவினர் வெளியீடவுள்ளனர். 

இயக்குனர் சுகுமார் இயக்கத்தில் நடிகர் அல்லு அர்ஜுன் நடித்து வரும் திரைப்படம் “புஷ்பா”. தமிழ், தெலுங்கு, மலையாளம், கன்னடம் மற்றும் இந்தி என 5 மொழிகளில் உருவாகும் இந்த படத்தில் அல்லு அர்ஜுனுக்கு ஜோடியாக ரஷ்மிகா மந்தானா நடித்துவருகிறார். தேவ ஸ்ரீ பிரசாத் இசையமைத்துள்ள இந்த படத்தினை மைத்ரி மூவி மேக்கர்ஸ் தயாரித்துள்ளது. இந்த படத்தில் நடிகர் அல்லு அர்ஜுனுக்கு வில்லனாக நடிகர் பஹத் பாசில் நடித்து வருகிறார்.

புஷ்பா படத்தின் பர்ஸ்ட் லுக் போஸ்டர் அல்லு அர்ஜுனின் பிறந்தநாளை முன்னிட்டு வெளியானதும்,கொரோனா காரணமாக தள்ளி வைக்கப்பட்டிருந்த படத்தின் படப்பிடிப்பு சமீபத்தில் ஆந்திராவின் கிழக்கு கோதாவரி மாவட்டத்தில் உள்ள மரேடுமிலி காடுகளில் நடைபெற்று வந்ததும் குறிப்பிடத்தக்கது.

இந்த திரைப்படம் வருகின்ற ஆகஸ்ட் மாதம் 13-ஆம் தேதி திரையரங்குகளில் வெளியாகிறது. இந்த நிலையில் தற்போது இந்த படத்திற்கான அல்லு அர்ஜுன் அறிமுக காட்சியை டீசராக இன்று மாலை 06.12 மணிக்கு படக்குழுவினர் வெளியீடவுள்ளனர். மேலும் நடிகர் அல்லு அர்ஜுனிற்கு நாளை பிறந்த நாள் என்பது குறிப்பிடத்தக்கது.