அமெரிக்காவில் 75 ஆயிரத்தை கடந்த பலி எண்ணிக்கை! அமெரிக்காவை அதிர வைக்கும் கொரோனா!

அமெரிக்காவில் 75 ஆயிரத்தை கடந்த பலி எண்ணிக்கை. அச்சத்தில் மக்கள்.

முதலில் சீனாவில் பரவிய கொரோனா வைரஸ் அங்கு பல்லாயிரக்கணக்கான உயிர்களை காவு வாங்கியுள்ளது. அதனை தொடர்ந்து, இந்த வைரஸ் 200-க்கும் மேற்பட்ட நாடுகளை தாங்கி வருகிறது. அந்த வகையில், அதிக அளவில் இந்த வைரஸால் பாதிக்கப்பட்டவர்களின் எண்ணிக்கையிலும், உயிரிழந்தவர்களின் எண்ணிக்கையிலும் முதலிடத்தில் இருப்பது அமெரிக்கா தான். 

இந்நிலையில், உலக அளவில் இதுவரை, 3,917,532 பேர் பாதிக்கப்பட்டுள்ள நிலையில், 270,720 பேர் உயிரிழந்துள்ளனர். அமெரிக்காவை பொறுத்தவரையில், 1,292,623 பேர் இந்த வைரஸால் பாதிக்கப்பட்டுள்ள நிலையில், 76,928 பேர் உயிரிழந்துள்ளனர். 

இந்நிலையில், அமெரிக்காவில் நேற்று மட்டும், 2,129 பேர் உயிரிழந்துள்ளனர். கொரோனா வைரஸால் பலியாவோரின் எண்ணிக்கை கிடுகிடுவென உயர்ந்து வருவது, அமெரிக்க மக்களை அச்சத்தில் ஆழ்த்தியுள்ளது.