பா.ரஞ்சித் – தினேஷ் இணையும் படத்தின் படப்பிடிப்பு தொடக்கம்.!

அட்டகத்தி தினேஷ் நடிக்கும் அடுத்த திரைப்படத்தை இயக்குனர் பா.ரஞ்சித் தயாரிக்கவுள்ளார்.

அட்டகத்தி திரைப்படத்தை இயக்கியதன் மூலம் தமிழ் சினிமாவில் அறிமுகமானவர் இயக்குனர் பா.ரஞ்சித். இந்த படத்தில் நடித்ததன் மூலம் அறிமுகமானவர் நடிகர் தினேஷ். இந்த படத்தின் மூலம் இவரை ரசிகர்கள் அட்டகத்தி தினேஷ் என்றே அழைக்க ஆரம்பித்துவிட்டனர். அந்த அளவிற்கு படத்தில் மிகவும் தனது எதார்த்தமான நடிப்பை வெளிப்படுத்திருப்பார்.

இந்த படத்தை தொடர்ந்து இயக்குனர் பா.ரஞ்சித் அட்டகத்தி தினேஷ் நடித்த இரண்டாம் உலகப்போரின் கடைசி குண்டு என்ற படத்தை தயாரித்திருந்தார். இந்நிலையில், தற்போது சார்பட்டா பரம்பரை படத்தின் வெற்றியை தொடர்ந்து அடுத்ததாக அட்டகத்தி தினேஷ் நடிக்கும் ஒரு புதிய திரைபடத்தை தயாரிக்கவுள்ளார். இந்த திரைப்படத்திற்கான படப்பிடிப்பு இன்று முதல் தொடங்குகிறது. இந்தப் படத்தை சுரேஷ் மாரி என்பவர் இயக்குகிறார்.