#BREAKING : வலிமை வெளியீடு ஒத்திவைப்பு..!

“வலிமை” திரைப்படத்தின் ரிலீஸ் தேதி தள்ளி வைப்பதாக படகுழு அறிவிக்கப்பட்டுள்ளது.

இயக்குனர் H.வினோத் இயக்கத்தில் நடிகர் அஜித்குமார் நடிப்பில் உருவாகியுள்ள வலிமை திரைப்படத்தின் மீது ரசிகர்கள் உள்ளிட்ட அனைவரும் திரையில் பார்ப்பதற்கு எதிர்பார்த்து காத்துகொண்டியிருக்கிறார்கள். இப்படத்தில் ஹூமா குரேஷி, கார்த்திகேயா, சுமித்ரா, யோகிபாபு, புகழ், உள்ளிட்ட பலர் நடித்துள்ளனர்.

போனி கபூர் தயாரித்துள்ள இந்த படத்திற்கு நீரவ் ஷா ஒளிப்பதிவு செய்துள்ளார். மேலும், இசையமைப்பாளர் யுவன் சங்கர் ராஜா இசையமைத்துள்ளார். இதனிடையே, இந்த படத்தின் டீசர், சிங்கிள் பாடல்கள் ஏற்கனவே வெளியாகி மக்கள் மத்தியில் நல்ல வரவேற்பை பெற்ற நிலையில், படத்தின் ட்ரைலர் சமீபத்தில் வெளியாகி பெரும் வரவேற்பை பெற்றது.

அஜித்குமார் ரசிகர்களுக்கு 2 வருட காத்திருப்பிற்கு பலனாக வரும் ஜனவரி 13-ஆம் தேதி “வலிமை” திரைப்படம் திரையரங்குகளில் வெளியாக இருந்த நிலையில்  கொரோனா அச்சுறுத்தல் காரணமாக “வலிமை” திரைப்படத்தின் ரிலீஸ் தேதி தள்ளி வைப்பதாக படகுழு அறிவிக்கப்பட்டுள்ளது. “வலிமை” திரைப்படம் பல மொழிகளில் வெளியாக இருந்தது.

ஏற்கனவே ராஜமவுலி இயக்கத்தில் உருவான “RRR” திரைப்படமும் ஒத்திவைக்கப்பட்டது என்பது குறிப்பிடத்தக்கது.