என்னுடைய பயோபிக்கில் நடிக்க சூர்யா மட்டுமே பொருத்தமாக இருப்பார்- சுரேஷ் ரெய்னா..!!

என்னுடைய வாழ்க்கை வரலாற்று படத்தில் நடிக்க சூர்யா மட்டுமே பொருத்தமாக இருப்பார் என்று சுரேஷ் ரெய்னா தெரிவித்துள்ளார். 

சச்சின் டெண்டுல்கர், மகேந்திரசிங் தோனி, மேரி கோம் போன்ற கிரிக்கெட்  வீரர்களின் வாழ்க்கை வரலாறை படமாக எடுக்கப்பட்டு அது வசூல் ரீதியாகவும், விமர்சன ரீதியாகவும் வெற்றி பெற்றது. இதனையெடுத்து தமிழக வீரர் நடராஜனின் வாழ்க்கை வரலாற்றையும் படமாக எடுக்க சில இயக்குநர் முன்வந்தனர். ஆனால் அதற்கு நடராஜன் சம்மதம் தெரிவிக்கவில்லை.

இந்த நிலையில், சுரேஷ் ரெய்னாவின் வாழ்கை வரலாற்றை படமாக எடுக்க இயக்குனர்கள் ஆர்வம் காட்டி வருவதாக தகவல்கள் வெளியாகியுள்ளது. இதனை தொடர்ந்து சுரேஷ் ரெய்னாவிடம் தொகுப்பாளர் பாவனா சென்னை சூப்பர் கிங்ஸ் சார்பாக கலந்துரையாடல் செய்தார். அந்தக் கலந்துரையாடலில், உங்களின் வாழ்க்கை வரலாற்று திரைப்படமாக உருவாக்கினால், அதில் எந்த ஹீரோ நடிக்க வேண்டும் என விரும்புவீர்கள்…?? என்று கேட்டதற்கு பதிலளித்த சுரேஷ் ரெய்னா, ‛‛ என்னுடைய வாழ்க்கை வரலாற்று படத்தில் நடிக்க சூர்யா மட்டுமே பொருத்தமாக இருப்பார்” எனக்கு பிடித்த ஹீரோ சூர்யா தான். என்றும் கூறியுள்ளார்.