உலகநாயகன் தயாரிப்பில் சூப்பர் ஸ்டார் ரஜினி ஹீரோ! அதிசயம் அற்புதம் விரைவில்.?

• ரஜினிகாந்த் தற்போது சிறுத்தை சிவா இயக்கும் படத்தில் பிசியாக நடித்து வருகிறார். கமல்ஹாசன் இந்தியன்-2வில் நடித்து வருகிறார்.
• ரஜினியின் அடுத்த படத்தை லோகேஷ் கனகராஜ் இயக்க வாய்ப்பு உள்ளதாகவும், கமல்ஹாசன் தயாரிக்க உள்ளதாகவும் தகவல் பரவி வருகிறது.

சூப்பர் ஸ்டார் ரஜினிகாந்த் தற்போது சிறுத்தை சிவா இயக்கும் தனது 168வது திரைப்படத்தில் நடித்து வருகிறார். இப்படத்தை சன் பிக்சர்ஸ் தயாரித்து வருகிறது. இப்படத்தையடுத்து ரஜினிகாந்த் தனது 169 படத்தில் நடிக்க உள்ளார்.

இப்படத்தை யார் இயக்குவார் என கேள்வி எழுந்த நிலையில், தற்போது அப்படத்தை லோகேஷ் கனகராஜ் இயக்கவுள்ளார் என தகவல் வெளியாகி உள்ளது. மேலும், இப்படத்தை உலகநாயகன் கமல்ஹாசனின் ராஜ்கமல் நிறுவனம் தயாரிக்க வாய்ப்புள்ளது என தகவல் வெளியாகி உள்ளது. இன்னும் இது குறித்த தகவல்கள் உறுதி செய்யப்படவில்லை. அப்படி உறுதிசெய்யப்பட்டால் அது திரையுலகில் அதிசய நிகழ்வாக பார்க்கப்படும்.