“குடும்பத்தின் மானம்,ஆணவம்,கௌரவத்தை வீட்டிலுள்ள பெண்கள் தான் சுமக்கிறாங்க “-மிரட்டலாக வெளியான பாவக்கதைகள் டிரைலர்.!

பிரபல இயக்குனர்களான கௌதம் மேனன், சுதா கொங்கரா, விக்னேஷ் சிவன் மற்றும் வெற்றிமாறன் ஆகிய நான்கு பேர் இணைந்து இயக்கிய “பாவ கதைகள்” தொடரின் டிரைலர் வெளியாகியுள்ளது.

தமிழ் சினிமாவின் பிரபல இயக்குனர்களான கௌதம் மேனன், சுதா கொங்கரா, விக்னேஷ் சிவன் மற்றும் வெற்றிமாறன் ஆகிய நான்கு பேர் இணைந்து “பாவ கதைகள்” என்ற பெயரில் ஒரு அந்தலாஜி வெப் சீரிஸை நெட்பிளிக்ஸ் தளத்திக்ற்காக இயக்கி வந்தனர் .

இதில் விக்னேஷ் சிவன் இயக்கும் “லவ் பண்ணா உட்ரணும்” என்ற பகுதியில் அஞ்சலி மற்றும் கல்கி கோச்லின் நடித்துள்ளனர்.மேலும் இந்த வெப் சீரிஸில் வெற்றிமாறன் இயக்கும் பகுதிக்கு “ஓர் இரவு” என்று பெயரிடப்பட்டுள்ளது .அதில் பிரகாஷ்ராஜ் மற்றும் சாய் பல்லவி நடித்துள்ளனர் .அதே போன்று சுதா கொங்கரா இயக்கும் பகுதிக்கு “தங்கம்” என்று பெயரிடப்பட்டுள்ளது .அதில் பவானி ஸ்ரீ,சாந்தனு , காளிதாஸ் ஜெயராம் நடித்துள்ளனர் .மேலும் கௌதம் வாசுதேவ் மேனன் இயக்கும் பிரிவுக்கு “வான்மகன்”என்று பெயரிடப்பட்டுள்ளது‌.அதில் சிம்ரன் மற்றும் கௌதம் வாசுதேவ் மேனன் நடித்துள்ளனர்.இந்த வெப் சீரிஸ் வரும் 18-ம் தேதி நெட்ஃபிளிக்ஸ் தளத்தில் ரிலீஸ் செய்யப்பட உள்ளது.

இந்நிலையில் தற்போது பாவ கதைகள் படத்தின் டிரைலரை நெட்ஃபிளிக்ஸ் தளம் வெளியிட்டுள்ளது.அந்த வெப் தொடரில் “ஒரு குடும்பத்தின் மானம் , ஆணவம்,கௌரவம் ஆகியவற்றை வீட்டிலுள்ள பெண்கள் தான் சுமக்கிறங்கா ,அதனை வாழ்க்கை முழுவதும் இறக்கி வைக்கவே கூடாதா அளவிற்கு என்ற ஒரு வசனம் ரசிகர்களிடையே வரவேற்பை பெற்றுள்ளது. பெண்ணின் பல உணர்வுகளை உள்ளடக்கிய இந்த வெப் தொடரின் டிரைலர் தற்போது சமூக வலைத்தளங்களில் மிகவும் வைரலாகி வருகிறது.