சூர்யாவின் “வாடிவாசல்” கைவிடப்பட்டதா.? தயாரிப்பாளர் விளக்கம்.!

வெற்றிமாறன் இயக்கத்தில் சூர்யா நடிப்பில் உருவாகவிருக்கும் வாடிவாசல் திரைப்படம் கைவிடப்பட்டதாக வெளியான தகவலுக்கு வதந்தி என்று கூறி தயாரிப்பாளர் முற்றுப்புள்ளி வைத்துள்ளார்.

நடிகை சூர்யா நடிப்பில் சுதா கொங்கரா இயக்கத்தில் சமீபத்தில் ஓடிடியில் வெளியான சூரரை போற்று திரைப்படம் மக்கள் மத்தியில் நல்ல வரவேற்பை பெற்று வருகிறது .அதனை தொடர்ந்து சூர்யா வெற்றிமாறனுடன் வாடிவாசல் மற்றும் பாண்டியராஜன் இயக்கத்தில் உருவாகும் படத்திலும் நடிக்கவுள்ளார்.மேலும் கௌதம் மேனன் இயக்கும் வெப் தொடரிலும் நடித்து வருகிறார்.

இந்த இரு படங்களில் சூர்யா அடுத்ததாக பாண்டியராஜன் இயக்கத்தில் நடிக்க உள்ளதாக கூறப்படுகிறது.அதே நேரத்தில் வெற்றிமாறன் சூரியின் படத்தில் கவனம் செலுத்த உள்ளதாகவும் ,அதற்கான படப்பிடிப்பு விரைவில் தொடங்கவுள்ளதாகவும் கூறப்படுகிறது.அப்போது வாடிவாசல் திரைப்படம் கைவிடப்பட்டதாக தகவல்கள் வெளியாகியிருந்தது.

அதனை உண்மையாக்கும் விதமாக வாடிவாசல் திரைப்படத்தின் தயாரிப்பாளர் கலைப்புலி எஸ்.தாணு அவர்களின் பெயரில் போலி டுவிட்டர் கணக்கை உருவாக்கி அதில் வாடிவாசல் திரைப்படம் கைவிடப்பட்டதாக அறிவித்திருந்தனர் .இது பெரும் பரபரப்பை ஏற்படுத்தியது.

தற்போது இந்த வதந்திக்கு தயாரிப்பாளர் முற்றுப்புள்ளி வைத்துள்ளார் .இது குறித்து தனது டுவிட்டர் பக்கத்தில் விளக்கமளித்த கலைப்புலி எஸ்.தாணு ,எண்ணியது எண்ணியபடி ,சொல்லியது சொல்லியபடி , வெற்றிமாறன் இயக்கத்தில் சூர்யா நடிப்பில் வாடிவாசல் வலம் வரும் வாகை சூடும் என்று குறிப்பிட்டுள்ளார்.இதிலிருந்து சூர்யாவின் வாடிவாசல் திரைப்படம் கைவிடப்படவில்லை என்பது உறுதியாகியுள்ளது.