216 மருத்துவ ஊழியர்களுடன் தென் ஆப்பிரிக்காவிற்கு பறந்த கியூபா மருத்துவ குழு.!

கியூபா நாட்டில் இருந்து பல்வேறு நாடுகளுக்கு உதவும் நோக்கத்துடன் மருத்துவக்குழு செல்வது போல 200க்கும் மேற்பட்ட மருத்துவ ஊழியர்களுடன் கியூபா மருத்துவ குழுவானது தென் ஆப்பிரிக்கா பறந்தது.

கொரோனா வைரஸ் பாதிப்பு உலகில் பல்வேறு நாடுகளை அச்சுறுத்தி வருகிறது. அனைத்து நாடுகளும் கொரோனாவுக்கு எதிரான போரில் தீவிரமாக ஈடுபட்டு வருகின்றன. அதில் சில நாடுகள் மற்ற நாடுகளுக்கு தேவையான மருத்துவ உதவிகளை செய்து வருகின்றன.

அந்த வகையில், கியூபா நாட்டிலிருந்து கொரோனாவுக்கு சிகிச்சை அளிக்க ஆயிரகணக்கான மருத்துவ ஊழியர்களை கொரோனா அதிகம் பாதிக்கப்பட்டுள்ள ஆப்பிரிக்கா, கரீபியன், ஐரோப்பிய நாடுகளுக்கு உதவி மனப்பான்மையுடன் அனுப்பி வருகின்றனர்.

தற்போது, 216 பேரை உள்ளடக்கிய மருத்துவ குழுவானது தேவையான மருத்துவ உபகாரணங்களோடு விமானம் மூலம்  தென்னாப்பிரிக்கா தலைநகர் பிரிட்டோரியாவுக்கு சென்றடைந்தது.