ஷாருக்கானுக்கு ஜோடியாகும் நயன்தாரா.??

அட்லீ இயக்கும் பாலிவுட் படத்தில் ஷாருக்கானுக்கு ஜோடியாக நடிகை நயன்தாராவை நடிக்க வைக்க பேச்சுவார்த்தை நடந்து வருவதாக தகவல். 

தமிழ் சினிமாவில் ராஜா ராணி, தெறி, மெர்சல், பிகில் படங்களின் வெற்றியை தொடர்ந்து இயக்குனர் அட்லீ அடுத்ததாக பாலிவுட் திரையுலகின் பிரபலமான நடிகரான ஷாருக்கானை வைத்து ஒரு படம் இயக்கவுள்ளதாக கடத்த ஆண்டு அறிவித்திருந்தார்.

இந்த திரைப்படத்திற்கான படப்பிடிப்பு இந்த ஆண்டு இறுதியில் தொடங்கும் என்று எதிர்பார்க்கப்படுகிறது. இந்நிலையில்,தற்போது இந்த திரைப்படத்தில் நடிகர் ஷாருக்கானுக்கு ஜோடியாக தமிழ் சினிமாவின் பிரபல நடிகையான நயந்தாராவிடம் பேச்சு வார்த்தை நடந்து வருவதாக கூறப்படுகிறது.

இது உறுதியானால் பாலிவுட்டில் நடிகை நயன்தாராவுக்கு இது தான் முதல் திரைப்படமாகும். மேலும் இந்த தகவலை அறிந்த நயன்தாரா ரசிகர்கள் ட்வீட்டரில் #Nayanthara ஹேஷ்டேக்கை ட்ரெண்ட் செய்து வருகிறார்கள்.