திரைப்படமாக உருவாகிறது எலான் மஸ்க்கின் வாழ்க்கை வரலாறு! முழு விவரம்…

டெஸ்லா நிறுவனர் எலான் மஸ்க்கின் வாழ்க்கையை திரைப்படமாக எடுக்க திட்டமிட்டுள்ளதாகத் தகவல் வெளியாகியுள்ளது.

பிரபலங்களின் வாழ்க்கை வரலாறு படமாக்கப்படுவது வழக்கமான ஒன்றாக தற்போது மாறிவிட்டது. குறிப்பாக, அரசியல் பிரமுகர்கள், சினிமா பிரபலங்கள் மற்றும் கிரிக்கெட் ஜான்பாவான்களை வைத்து படமாக்கி வருகிறார்கள். அந்த வகையில், விஞ்ஞானிகளை வைத்தும் படமாக்க தொடங்கி விட்டனர்.

முன்னதாக, விண்வெளி ஆய்வு மையம் முன்னாள் விஞ்ஞானி மற்றும் விண்வெளிப் பொறியியலாளரான நம்பி நாராயணனின் வாழ்க்கையை அடிப்படையாகக் கொண்டு நடிகர் மாதவன் அவரது பெயரில் படமாக்கினார். இந்த படத்தை அவரே இயக்கி, அவரது கதாபாத்திரத்தில் கட்சிதமாக நடித்திருந்தார்.

இந்த வரிசையில், தற்போது உலகின் மிகப்பெரிய பணக்காரரும் டெஸ்லா தலைமை அதிகாரியுமான எலான் மஸ்க்கின் வாழ்க்கை வரலாறை படமாக்க உள்ளதாக தகவல்கள் வெளியாகியுள்ளது. ஆம், அமெரிக்க எழுத்தாளர் வால்டர் ஐசக்சன் என்பவர் எலான் மஸ்க்கின் வாழ்க்கை வரலாற்றை புத்தகமாக வெளியிட்டிருந்தார்.

அதனை மையமாக வைத்து, பிரபல ஹாலிவுட் தயாரிப்பு நிறுவனம் மற்றும் இயக்குனரான, ஏ 24 என்ற நிறுவனம் தயாரிக்க,  இயக்குனர் டேரன் அரோனோஃப்ஸ்கி இப்படத்தை இயக்க உள்ளார். இருப்பினும், லான் மஸ்க்கை பற்றி தெரியாதவர்கள் இருக்க முடியாது. அவர் செய்த பெரும்பாலானவை சமூக வலைத்தளங்கள் மற்றும் செய்திகளில் மூலம் மக்களின் பார்வைக்கு வந்துவிடுகிறது.

சம்பவத்திற்கு தயாராகும் விடுதலை-2.! ஷங்கரை ஃபாலோ செய்யும் வெற்றிமாறன்.!

இருந்தாலும், எலான் மஸ்க்கின் வாழ்க்கை பயணத்தை ஆராயும் ஒரு திரைப்படம் உருவாக  உருவாக இருக்கும் நிலையில், மக்கள் மத்தியில் ஒரு புதிய எதிர்பார்ப்பை உருவாக்கி இருக்கிறது. இதற்கிடையில், எழுத்தாளர் வால்டர் ஐசக்சன் முந்தைய படைப்பான, “ஸ்டீவ் ஜாப்ஸ்” 2015-ல் வெற்றிகரமான திரைப்படமாக உருவாக்கப்பட்டது குறிப்பிடத்தக்கது. அதே போல், மஸ்க்கின் வாழ்க்கை வரலாறு உருவாக்கப்படும் என எதிர்பார்க்கப்படுகிறது.