StockMarkets: இரண்டாவது நாளில் சரிவு..! சென்செக்ஸ் 161 புள்ளிகள் குறைவு..!

sensex [Image source : economictimes/Getty Images]

பிஎஸ்இ (BSE) சென்செக்ஸ் 161.69 புள்ளிகள் சரிந்து 62,625 ஆகவும், என்எஸ்இ (NSE) நிஃப்டி 18,557 ஆகவும் வர்த்தகம் செய்யப்படுகிறது.

வாரத்தின் முதல் நாளான நேற்று ஏற்றத்துடன் வர்த்தகமாகிவந்த இந்தியப் பங்குச்சந்தை, 2 வது நாளான இன்று சரிவுடன் வர்த்தகத்தைத் தொடங்கியுள்ளது. இன்றைய வர்த்தக நாளில் 62,738 புள்ளிகள் எனத் தொடங்கிய மும்பை பங்குச்சந்தை பிஎஸ்இ (BSE) சென்செக்ஸ் 161.69 புள்ளிகள் அல்லது 0.26% என சரிந்து 62,625 புள்ளிகளாக வர்த்தகம் ஆகிறது.

மேலும், தேசிய பங்குச்சந்தை என்எஸ்இ (NSE) நிஃப்டி 36.70 புள்ளிகள் அல்லது 0.20% சரிந்து 18,557 புள்ளிகளாக வர்த்தகம் நடைபெற்று வருகிறது. முந்தைய வர்த்தக நாள் முடிவில் சென்செக்ஸ் 62,787 புள்ளிகளாகவும், நிஃப்டி 18,593 புள்ளிகளாகவும் வர்த்தகம் நிறைவடைந்தது.

இதற்கிடையில், அந்நிய நிறுவன முதலீட்டாளர்கள் கடந்த 6 மாதங்களில் இல்லாத அளவிற்கு சந்தையில் முதலீடு செய்து வரும் வேளையில் உள்நாட்டு முதலீட்டாளர்கள் தங்களது அதிகப்படியான பங்குகளை விற்பனை செய்து வருகின்றனர். கடந்த மாதங்களை விட மே மாதத்தில் வெளிநாட்டு முதலீட்டாளர்கள் பங்குச்சந்தையில் கிட்டத்தட்ட ரூ.30,000 கோடி முதலீடு செய்துள்ளனர்.