காதலிச்ச பெண்ணுடன் பிரேம் ஜி திருமணம்.! நற்செய்தி சொன்ன வெங்கட் பிரபு!

பிரேம் ஜி திருமணம் : நடிகர் பிரேம் ஜி வரும் ஜூன் 9-ஆம் தேதி திருமணம் செய்து கொள்ளவுள்ளதாக ஒரு பத்திரிகை ஒன்று சமூக வலைத்தளங்களில் வைரலாகி வந்தது. இது உண்மையா இல்லையா என்று ரசிகர்கள் குழம்பி வந்த நிலையில், உண்மையில் திருமணம் நடைபெறவுள்ளதாக அவருடைய அண்ணன் இயக்குனர் வெங்கட் பிரபு அதிகாரப்பூர்வமாக அறிவித்துள்ளார்.

இது குறித்து அவர் எக்ஸ் வலைதள பக்கத்தில் கூறியுள்ளதாவது ” இத்தனை வருடங்களாக என் குடும்பத்தாருக்கும் எனக்கும் ஆதரவையும், அளவில்லாத அன்பையும் வழங்கிய ரசிகர்களுக்கும், பத்திரிக்கை மற்றும் ஊடக நண்பர்களுக்கும் வணக்கம். “பாகுபலியைக் கட்டப்பா ஏன் கொன்றார்?” சொப்பனசுந்தரியை இப்போ யாரு வெச்சிருக்கா?” இதை எல்லாவற்றையும் விட, “பிரேம்ஜிக்கு கல்யாணம் எப்போ?” என்ற உங்கள் கேள்விக்குப் பதில், வரும் 9 ஆம் தேதி சிறிய அளவில் குடும்பத்தினர் மற்றும் நெருங்கிய நண்பர்கள் முன்னிலையில், பிரேம்ஜி தான் விரும்பும் பெண்ணை, அம்மாவின் ஆசிர்வாதத்துடன் கரம் பிடிக்கிறார்.

அம்மா வெகுவாக எதிர்பார்த்த இந்த திருமணத்தை நெருங்கிய உறவுகளுடனும், நண்பர்களுடனும் எளிய முறையில் நடத்த விரும்புகிறோம். இது தெரியாமல் நண்பர் ஒருவர் திருமணப் பத்திரிக்கையை பொது வெளியில்பகிர்ந்துவிட்டார். எப்படி கல்யாணப் பத்திரிக்கை வைரல் ஆனதோ, அதேபோல் மணமகள் மீடியாவைச் சேர்ந்தவர் என்றும் புகைப்படங்கள் உலவுகின்றன.

மணமகள் மீடியாவைச்சேர்ந்தவர் இல்லை. திருமணம் முடிந்தவுடன் புகைப்படங்களைப் பகிர்கிறேன். எங்களுடைய பிரைவசியை மதித்து இருந்த இடத்தில் இருந்தே மணமக்களை வாழ்த்திஅதையும் வைரலாக்குமாறு கேட்டுக்கொள்கிறேன். உறுதியாக திருமண வரவேற்பில்
அனைவரையும் சந்திப்போம்” என்று கூறியுள்ளார். இதனையடுத்து, ரசிகர்கள் பிரேம் ஜிக்கு தங்களுடைய வாழ்த்துக்களை தெரிவித்து வருகிறார்கள்.