அலியா பட் அப்படி நடிச்சாங்க..நானும் அப்படி நடிக்கணும்! அடம் பிடிக்கும் ஐஸ்வர்யா மேனன்!

Iswarya Menon [File Image]

ஐஸ்வர்யா மேனன் : ஹைவே படத்தில் அலியா பட் நடித்த கதாபாத்திரத்தை போல ஒரு கதாபாத்திரத்தில் நடிக்க ஆசை உள்ளதாக நடிகை ஐஸ்வர்யா மேனன் தெரிவித்துள்ளார்.

தமிழ் சினிமாவில் நான் சிரித்தாள் படத்தில் நடித்ததன் மூலம் பிரபலமானவர் நடிகை ஐஸ்வர்யா மேனன். இவர் தமிழில் கடைசியாக வேழம் என்ற திரைப்படத்தில் நடித்து இருந்தார். இந்த படத்திற்கு பிறகு தமிழில் பெரிய அளவு வாய்ப்புகள் கிடைக்கவில்லை என்ற காரணத்தால் அப்டியே தெலுங்கு பக்கம் சென்றுவிட்டார்.

தெலுங்கில் கடைசியாக ஸ்பை என்கிற படத்திலும் நடித்து இருந்தார். இந்த படத்தை தொடர்ந்து பஜே வாயு வேகம் என்கிற படத்தில் நடித்து இருக்கிறார். இந்த படத்தின் ப்ரோமோஷன் பணிகள் மும்மரமாக நடைபெற்று கொண்டு இருக்கும் சூழலில், படத்தின் ப்ரோமோஷனுக்காக யூடியூப் சேனல் ஒன்றுக்கு நடிகை ஐஸ்வர்யா மேனன் பேட்டியளித்தார்.

அப்போது தனக்கு நடிக்க விருப்பமான கதாபாத்திரம் பற்றியும் நடிகை ஐஸ்வர்யா மேனன் பேசியுள்ளார் இது குறித்து பேசிய ஐஸ்வர்யா மேனன் ” எனக்கு பல மாதிரியான கதாபாத்திரங்களில் நடிக்க ஆசை இருக்கிறது. அதில் குறிப்பாக சொல்லவேண்டும் என்றால்,  ஹைவே படத்தில் அலியா பட் நடித்த கதாபாத்திரத்தை போல நடிக்க வேண்டும் என்பது நீண்ட நாள் ஆசையாக இருக்கிறது.

அந்த மாதிரி கதையம்சத்தை கொண்ட படம் என்னிடம் வந்தது என்றால் கண்டிப்பாக நான் மறுப்பு தெரிவிக்காமல் நடித்து கொடுப்பேன். தற்போது நான் தெலுங்கில் ஒரு படத்தில் நடித்து முடித்து இருக்கிறேன். மற்றோரு படத்திலும் நடித்து கொண்டு இருக்கிறேன். அதைப்போல, தமிழிலும் ஒரு படத்தில் நடித்து கொண்டு இருக்கிறேன் ” எனவும் நடிகை ஐஸ்வர்யா மேனன் தெரிவித்துள்ளார்.