லியோ சிறப்புக்காட்சிக்கு அனுமதி தரக்கூடாது! ப்ளூ சட்டை மாறன் பதிவு!

blue sattai maran about leo [File Image]

நடிகர் விஜய் லோகேஷ் கனகராஜ் இயக்கத்தில் நடித்துள்ள ‘லியோ’ திரைப்படம் வரும் அக்டோபர் 19-ஆம் தேதி திரையரங்குகளில் வெளியாகவுள்ளது. இந்த திரைப்படம் இன்னும் சில நாட்களிலே வெளியாகவிருக்கும் நிலையில், படத்திற்கான ப்ரோமோஷன் பணிகள் மும்மரமாக நடைபெற்று வருகிறது. இதற்கிடையில், லியோ படத்திற்கு சிறப்பு காட்சிகள் கிடையாது என தமிழக அரசு அனுமதி வழங்கவில்லை. இது ரசிகர்களுக்கு பெரிய அளவில் ஏமாற்றத்தை கொடுத்தது.

படத்தின் தயாரிப்பு நிறுவனம் 7 ஸ்க்ரீன் ‘லியோ’ திரைப்படத்திற்கு அதிகாலை 4 மணி சிறப்பு காட்சிக்கு அனுமதி கொடுக்கவேண்டும் எனவும், காலை 9 மணிக்கு பதிலாக 7 மணிக்கே திரையிட அனுமதிக்க வேண்டும்  என்றும் சென்னை உயர்நீதிமன்றத்தில் வழக்கு தொடர்ந்திருந்த நிலையில். இந்த வழக்கு இன்று விசாரணைக்கு வந்தது.

லியோ சம்பவம் எதிரொலி: “திரையரங்குகளில் இனி நோ ட்ரெய்லர்” -திரையரங்கு உரிமையாளர் சங்கம் !

அப்போது லியோ படத்தின் காலை 4 மணி சிறப்பு காட்சிக்கு அனுமதி அளிக்க உத்தரவிட முடியாது எனவும், அதைப்போல  காலை 9 மணி காட்சிக்கு பதிலாக 7 மணிக்கு தொடங்க தமிழ்நாடு அரசுக்கு அனுமதி கோரி படத்தின் தயாரிப்பு நிறுவனம் மனு அளிக்கலாம் என்று சென்னை உயர்நீதிமன்றம் உத்தரவு பிறப்பித்துள்ளது.

இந்த நிலையில், வழக்கமாக எல்லா படங்களையும் விமர்சித்து பதிவிட்டு வரும் ப்ளூ சட்டை மாறன் தனது சமூக வலைதள பக்கங்களில் லியோ படத்தின் சிறப்பு காட்சிக்கு அனுமதி கொடுக்கக்கூடாது என பதிவிட்டுள்ளார். இது தொடர்பாக அவர் கூறியிருப்பதாவது ” லியோ ரிலீஸாகும் அக்டோபர் 19 வியாழன் விடுமுறை தினம் அல்ல. வேலை நாள்.

காலை 8 முதல் 10 வரை பீக் ஹவர் என்பதால்.‌. பள்ளி, கல்லூரி, வேலைக்கு செல்வோர் போக்குவரத்து நெரிசலால் பாதிக்கப்படலாம். ஆகவே வார இறுதி மற்றும் ஆயுதபூஜை விடுமுறை நாட்களில் மட்டுமே காலை 9 மணி சிறப்புக்காட்சியை அனுமதிக்க வேண்டும். அக்டோபர் 19 ஆம் தேதி காலை சிறப்புக்காட்சிக்கு அனுமதி தரக்கூடாது” என கூறியுள்ளார்.

மற்றோரு பதிவில் ” கவர்மண்ட் கிட்ட எதுக்கு கெஞ்சனும்? ஸ்பெஷல் ஷோவுக்கு கோர்ட்ல அனுமதி கேளுங்க. நான்தான் அடுத்த சி.எம். எதுவா இருந்தாலும் நான் பாத்துக்கறேன்’ என்று தயாரிப்பாளரை உசுப்பி விட்டதே கமாண்டர்தான் என்று கூறப்படுகிறது. மாஸ் காட்டிய கமாண்டர். அதிர்ந்த அரசாங்கம்” என பதிவிட்டுள்ளார்.

மற்றோரு பதிவில் ” 7 AM ஷோ போட்டா.. படம் முடிய 10 மணி ஆகிடும். 9 AM ஷோ டிக்கட் ஏற்கனவே வித்தாச்சி. இந்த அடிப்படை லாஜிக் கூட தெரியாம லியோ தரப்பு 7 AM ஷோவுக்கு அனுமதி கேட்ருக்கு” எனவும் பதிவிட்டுள்ளார். இந்த பதிவு தற்போது வைரலாகி வரும் நிலையில், ஏற்கனவே படத்தின் சிறப்பு காட்சிக்கு அனுமதி கொடுக்கப்படாத நிலையில், அந்த கோபத்தோடு ப்ளூ சட்டை மாறனை தீட்டி தீர்த்து வருகிறார்கள்.