குக் வித் கோமாளிக்கு குட்பை சொன்ன பூஜா! மொத்தமாக வாங்கிய சம்பளம் தெரியுமா?

Pooja Venkat [file image]

சென்னை : குக் வித் கோமாளி சீசன் 5 நிகழ்ச்சியில் இருந்து பூஜா வெளியேற்றப்பட்டுள்ளார். 16 எபிசோடுகளில் பங்கேற்று விளையாடியதற்காக சுமார் 1.5 லட்சம் வரை அவர் சம்பளமாக பெற்றுள்ளார் என்ற தகவலும் வெளியாகி இருக்கிறது. உப்பு, காரத்தோடு சேர்த்து கலகலப்பு, கொண்டாட்டம், காமெடி உள்ளிட்டவைகளை கலந்து பார்வையாளர்களை உற்சாகப்படுத்தி வரும் நிகழ்ச்சி குக் வித் கோமாளி.

ஏராளமான செலிபிரிட்டிகளின் விரும்பத்தக்க நிகழ்ச்சியாக உள்ள குக் வித் கோமாளியின் இந்த சீசனில், பலரின் இசை தேவதையாக இருந்த சூப்பர் சிங்கர் பூஜாவும் பங்கேற்று விளையாடி வந்தார். பாடலில் மட்டும் அல்ல சமையலிலும் நான் கில்லி என நிரூபிக்க வேண்டும் என நினைத்த பூஜா, கடந்த 16 எப்பிசோடுகளிலும் சிறப்பாக விளையாடினார். அவ்வப்போது, அந்த சமையலுக்கு நடுவே, பாடல்களை பாடி அசத்தி வந்த பூஜா, இந்த 17வது எபிசோடில் இருந்து வெளியேற்றப்பட்டுள்ளார்.

பூஜாவின் பாடல்களுக்காகவே இந்த குக் வித் கோமாளி நிகழ்ச்சியை பார்த்து வந்த ரசிகர்களுக்கு இது பெரும் ஏமாற்றதை ஏற்படுத்தியுள்ளது. இது ஒருபக்கம் இருக்க மருபக்கம் இந்த குக் வித் கோமாளி சீசன் 5-ல் அவர் பங்கேற்றதற்காக ஒரு எப்பிசோடுக்கு ரூ.9 ஆயிரம் என்ற அடிப்படையில், இதுவரை சுமார் ரூ.1.5 லட்சம் வழங்கப்பட்டிருக்கலாம் என்ற தகவலும் வெளியாகி இருக்கிறது.

இந்நிகழ்ச்சியில் காமெடிகள் ஒரு பக்கம் இருந்தாலும், மற்றோரு பக்கம் எமோஷனலை ஏற்படுத்தும் ‘எலிமினேஷன்’ சுற்றுகளும் அடிக்கடி நடைபெற்று வருகிறது. அந்த வகையில், இதுவரை நடைபெற்ற எலிமினேஷன் சுற்றில் குக் -ஆகக் கலந்து கொண்ட ஸ்ரீகாந்த் தேவா, முதல் ஆளாக எலிமினேட் செய்யப்பட்டார். அதற்கு அடுத்ததாக வசந்த் வாசி, ஷாலின் ஜோயா உள்ளிட்டவர்கள் எலிமினேட் ஆனார்கள். அவர்களைத் தொடர்ந்து இந்த வாரம் பூஜா வெங்கட் எலிமினேட் செய்யப்பட்டு நிகழ்ச்சியை விட்டு வெளியேறி இருக்கிறார்.

இவர் இந்த எபிசோடில் என்ன தவறு செய்தார்? எதற்காக வெளியேற்றப்பட்டார்? என்ற கேள்விகளுக்கான பதில் நிகழ்ச்சியின் ஒளிபரப்புக்கு பிறகே தெரிய வரும். பூஜா குக் வித் கோமாளி நிகழ்ச்சியை விட்டு போனால் என்ன? ரசிகர்களின் பாராட்டுகளை பெற்று வேறு ஏதேனும் நிகழ்ச்சியில் அவரை பார்த்துக்கொள்ளலாம் என்ற ஆறுதல் வார்த்தைகள் மட்டுமே மிச்சம்.