ஹெலிகாப்டரில் பறந்த சூப்பர் ஸ்டார்.. சட்டை கிழியும் படி சண்டை காட்சி.! நேரில் சந்தித்த பிரபலங்கள்…

Vettaiyan

இயக்குனர் நிகாஷ் ஹிதாயத், சண்டை மாஸ்டர்கள் அன்பறிவ் ஆகியோர் வேட்டையன் படப்பிடிப்பில் ரஜினியை சந்தித்த புகைப்படங்கள் இணையத்தில் வைரலாகி வருகிறது.

ரஜினியின் ‘வேட்டையன்’ படத்தின் இறுதிக்கட்ட படப்பிடிப்பு புதுச்சேரி பழைய துறைமுகம் பகுதியில் நடைபெற்று வருகிறது. இதில் ரஜினி வெளிநாட்டவருடன் சண்டையிடும் காட்சிகள் படமாக்கப்பட்டு வருவதாகக் கூறப்படுகிறது.

இந்த சண்டைக் காட்சியில் பயன்படுத்துவதற்காக ஹெலிகாப்டர்கள் புதுச்சேரியில் சுற்றி வருகின்றன. இந்நிலையில், கேரவேனில் இருந்து ரஜினி வேட்டி சட்டையுடன் இறங்கி வரும் வீடியோ வெளியாகி வைரலாகி வருகிறது.

இதனிடையே, RDX திரைப்பட இயக்குனர் நிகாஷ் ஹிதாயத் மற்றும் சண்டைப் பயிற்சியாளர் அன்பறிவ் மாஸ்டர்கள் வேட்டையன் படப்பிடிப்பில் நடிகர் ரஜினிகாந்தை நேரில் சந்தித்து வாழ்த்துப் பெற்றனர். முன்னதாக ‘மஞ்சுமெல் பாய்ஸ்’ படக்குழுவினரும் ரஜினியை சந்தித்திருந்தனர் என்பது குறிப்பிடத்தக்கது.

இந்நிலையில், RDX பட இயக்குனர் சண்டைப் பயிற்சியாளர் அன்பறிவ் மாஸ்டர்கள் ரஜினியை சந்தித்த புகைப்படங்கள் இணையத்தில் வைரலாகி வரும் நிலையில், அதில்  புகைப்படத்தில் ரஜினி அணிந்திருக்கும் சட்டை கிழிந்திருக்கும்.

இதனை வைத்து பார்க்கும் பொழுது, சண்டை காட்சிகள் மிகவும் தீவீரமாகவும், இது ஒரு கிளைமாக்ஸ் காட்சிகளாக இருக்கலாம் என தெரிகிறது. மேலும், இந்த வயதிலும், ரஜினிகாந்த் டூப் போடாமல் சண்டை காட்சிகளில் தானாக முன் வந்து நடிப்பது அனைவரது கவனத்ததையும் ஈர்க்கிறது.