வேட்டையன் – சந்திரமுகி மோதும் அட்டகாசமான காட்சி! ‘சந்திரமுகி 2’ புதிய டிரைலர்…

Chandramukhi 2 [FILE IMAGE]

இயக்குனர் பி.வாசு இயக்கத்தில் நடிகர்கள் ராகவா லாரன்ஸ், கங்கனா ரனாவத், லட்சுமி மேனன், மஹிமா நம்பியார், வடிவேலு, ராதிகா சரத்குமார், ரவி மரியா மற்றும் பல முக்கிய நடிகர்கள் நடிப்பில் உருவாகியிருக்கும் ‘சந்திரமுகி 2’ திரைப்படம் கடந்த 2005-ஆம் ஆண்டு வெளியான திகில் திரைப்படமாகும்.

அப்போது, இந்த திரைப்படம் ரசிகர்களுக்கு மத்தியில் நல்ல வரவேற்பை பெற்று மிகப்பெரிய ஹிட் ஆனது. இந்நிலையில், முதல் பாகம் வெற்றியை தொடர்ந்து படத்தின் இரண்டாவது பாகம் ரிலீஸுக்கு தயாராகி வருகிறது. அண்மையில், படப்பிடிப்புகள் முடிவடைந்து போஸ்ட் புரொடக்ஷன் பணிகள் விறுவிறுப்பாக நடைபெற்று வரும் நிலையில், சமீபத்தில் படத்தின் டிரைலரை வெளியிட்டது படக்குழு.

அப்போது, ட்ரைலர் ரசிகர்களை பெரிதும் திருப்த்தி படுத்தவில்லை, எதிர்மறையான விமர்சனங்கள் எழுந்தது.  இதனால், ட்ரைலரை மெருகேத்தி சில முக்கிய காட்சிகளை இணைத்து தற்பொழுது, புதிய ட்ரைலரை வெளியிட்டுள்ளனர். இந்த ட்ரைலரில் வேட்டையன் கதாபாத்திரத்தில் ராகவா லாரன்ஸும், சந்திரமுகி கதாபாத்திரத்தில் நடித்திருக்கும் கங்கனா ரனாவத் மோதிக்கொள்ளும் மாஸ் காட்சி பெரிதும் ஈர்த்துள்ளது.

கிட்டத்தட்ட 17 ஆண்டுகள் கழித்து 2-ம் பாகம் உருவாகியுள்ளது. தற்போது, சந்திரமுகியின் இரண்டாம் பாகம் வரும் 15-ம் தேதி விநாயகர் சதுர்த்தி அன்று தமிழ், இந்தி, தெலுங்கு, மலையாளம் ஆகிய மொழிகளில் வெளியாகிறது.