Weight : உடல் எடையை குறைக்க முடியாமல் கஷ்டப்படுகிறீர்களா..? அப்ப நீங்க இதை ஃபாலோ பண்ணுங்க..!

weight [Imagesource : NDTV]

இன்று பெரும்பாலானோர் சந்திக்கின்ற பிரச்சனைகளில் ஒன்று உடல் பருமன். இதற்காக அவர்கள் பல்வேறு முயற்சிகளை மேற்கொண்டாலும் அதில் பலரும் தோல்வியை தான் சந்திக்கின்றனர். உடல் எடையை குறைக்க, கலோரி குறைப்பு, அதிக உடல் செயல்பாடு மற்றும் ஆரோக்கியமான உணவு ஆகியவை அவசியம்.

உடல் எடையை குறைக்க, கலோரி குறைப்பு என்பது மிகவும் அவசியமானதாக கருதப்படுகிறது. அதாவது, நாம் சாப்பிடும் கலோரிகளை விட நாம் எரிக்கும் கலோரிகள் அதிகமாக இருக்க வேண்டும். கலோரிகளை குறைக்க நாம் என்ன செய்ய வேண்டும் என்ற யோசனை உங்களுக்குள் வரலாம்.

கலோரி குறைக்க, நாம் சாப்பிடும் உணவின் அளவைக் குறைக்கலாம் அல்லது குறைந்த கலோரி கொண்ட உணவுகளை சாப்பிடலாம். ஆரோக்கியமான உணவு உடல் எடையை குறைக்க உதவும். ஆரோக்கியமான உணவு என்பது பழங்கள், காய்கறிகள், முழு தானியங்கள், குறைந்த கொழுப்புள்ள புரதம் மற்றும் குறைந்த கொழுப்புள்ள பால் பொருட்கள் ஆகியவற்றை உள்ளடக்கியது.

உடல் எடையை குறைக்க விரும்புபவர்கள்,  உணவு பதிவேட்டைப் பயன்படுத்துவது நல்லது. இந்த பதிவேட்டில் நீங்கள் எடுத்துக் கொள்ளும் உணவின் தன்மை மற்றும் அதிலுள்ள கலோரிகள் குறித்த விவரங்களை பதிவிட்டு வைக்கலாம். இது உங்கள் உணவில் எவ்வளவு கலோரிகள் உள்ளன என்பதைக் கண்டுபிடிக்க உதவும்.

உங்கள் கலோரி உட்கொள்ளலைக் குறைக்க, சாப்பிடும் உணவின் அளவைக் குறைக்கவும், குறைந்த கலோரி கொண்ட உணவுகளை சாப்பிடவும் முயற்சிக்கவும். போதுமான தூக்கம் உங்கள் உடலை குணப்படுத்தவும், உடல் எடையைக் குறைக்கவும் உதவும். உடல் எடையை குறைப்பது ஒரு சவாலான செயல்முறை என்றாலும், விடாமுயற்சியுடன் உங்கள் இலக்குகளை அடைய முயற்சி செய்யுங்கள்.