காஷ்மீரில் 2 தீவிரவாதிகள் சுட்டுக்கொலை..!

காஷ்மீரில் அமைந்துள்ள ரஜோரி மாவட்டத்தில் பாதுகாப்பு படையினரால் இரண்டு தீவிரவாதிகள் சுட்டுக்கொல்லப்பட்டனர்.

தீவிரவாத தடுப்பு உளவுத்துறை தீவிரவாதிகளை பற்றிய ரகசிய தகவலை தெரிவித்துள்ளது. இதனால் காவல்துறையினரும், பாதுகாப்பு படையினரும் நேற்று இரவு ரஜோரியில் உள்ள தனமண்டி வனத்தில் தேடுதலில் ஈடுபட்டுள்ளனர்.

அப்போது தீவிரவாதிகள் இருப்பதை உறுதி செய்து பாதுகாப்பு படையினர் தாக்குதலில் ஈடுபட ஆரம்பித்துள்ளனர். இந்த தாக்குதலில் பயங்கர ஆயுதங்களை வைத்து கொண்டு பதுங்கியிருந்த இரண்டு தீவிரவாதிகள் சுட்டுக்கொல்லப்பட்டுள்ளனர்.

மேலும், இதில் இறந்தவர்கள் எந்த அமைப்பை சேர்ந்தவர்கள் என்பது குறித்த தகவல்கள் வெளியாகவில்லை. இவர்கள் இதற்கு முன்னர் தாக்குதல் ஏதும் நடத்தியுள்ளனரா என்ற தகவலும் வெளியாகவில்லை என்பது குறிப்பிடத்தக்கது.