உ.பி-யில் பாஜக தலைவருக்கு 5 டோஸ் தடுப்பூசி செலுத்தப்பட்டதாக வழங்கப்பட்ட சான்றிதழ்…! 6-வது டோஸ் தடுப்பூசி செலுத்த திட்டம்…!

உ.பி-யில் பாஜக தலைவருக்கு 5 டோஸ் தடுப்பூசி செலுத்தப்பட்டதாக வழங்கப்பட்ட சான்றிதழ்.

உத்திர பிரதேச மாநிலத்தை சேர்ந்த ராம்பால் சிங் (73), பூத் எண் 79 இன் பிஜேபி தலைவர் மற்றும் இந்து யுவ வாஹினியின் உறுப்பினரும் ஆவார். இவர் தனது தடுப்பூசி சான்றிதழை பதிவிறக்கம் செய்துள்ளார். அந்த சான்றிதழில், அவர் 5 டோஸ் தடுப்பூசி செலுத்திக் கொண்டதாகவும், 6-வது டோஸ் தடுப்பூசி செலுத்துவதற்கான தேதியும் குறிப்பிடப்பட்டிருந்தது.

இந்நிலையில், இது தொடர்பாக அவர், சான்றிதழில் அவருக்கு ஐந்து டோஸ் கொரோனா வைரஸ் தடுப்பூசி கொடுக்கப்பட்டுள்ளதாகவும், ஆறாவது முறையாகவும் திட்டமிடப்பட்டுள்ளது என்றும், சிங் தனது முதல் டோஸ் தடுப்பூசியை மார்ச் 16 ஆம் தேதியும், இரண்டாவது டோஸை மே 8 ஆம் தேதியும் பெற்றதாகவும் கூறினார். அவர் இதுகுறித்து, சுகாதாரத் துறை அலட்சியமாக இருப்பதாக அவர் குற்றம் சாட்டினார். அதைத் தொடர்ந்து அதிகாரிகளிடம் புகார் அளித்தார்.

அவர் தனது சான்றிதழை அதிகாரப்பூர்வ போர்ட்டலில் இருந்து பதிவிறக்கம் செய்தபோது, ​​அது ஏற்கனவே ஐந்து தடுப்பூசிகளை செலுத்தியதாக காட்டியது மற்றும் டிசம்பர் 2021 மற்றும் ஜனவரி 2022 க்கு இடையில் ஆறாவது திட்டமிடப்பட்டிருந்தது. மேலும், சான்றிதழில் தனது முதல் டோஸை மார்ச் 16 ம் தேதியும், இரண்டாவது மே 8 ம் தேதியும், மூன்றாவது மே 15 ம் தேதியும், நான்காவது மற்றும் ஐந்தாவது செப்டம்பர் 15 ம் தேதியும் செலுத்தியதாக காட்டுகிறது.

இதனையடுத்து, இதுகுறித்து மாவட்ட தடுப்பூசி அலுவலர் பிரவீன் கவுதமிடம் விசாரணை நடத்துமாறு கேட்டுக் கொள்ளப்பட்டதாக சிங் கூறினார்.