இந்திய மற்றும் தமிழக அரசுக்கும், அவர்களின் விருந்தோம்பலுக்கு நன்றி தெரிவிக்க விரும்புகிறேன்-சீன தூதர் சன் வெய் டாங்.

இந்திய மற்றும் தமிழக அரசுக்கும், அவர்களின் விருந்தோம்பலுக்கு நன்றி தெரிவிக்க விரும்புகிறேன்  என்று இந்தியாவிற்கான சீன தூதர் சன் வெய்டாங்(Sun Weidong) தெரிவித்துள்ளார்.
2 நாள் பயணமாக சீன அதிபர் ஷி ஜின்பிங் தமிழகம் வந்தார். மாமல்லபுரத்தில் பிரதமர் நரேந்திர மோடியை சந்தித்தார் சீன அதிபர் ஷி ஜின்பிங்.சந்திப்பு நிறைவடைந்த பின் நேற்று சீன அதிபர் நேபாளம் சென்றார்.
இந்த சந்திப்பு குறித்து இந்தியாவிற்கான சீன தூதர் சன் வெய்டாங்(Sun Weidong) கூறுகையில்,இந்திய மற்றும் தமிழக அரசுக்கும், அவர்களின் விருந்தோம்பலுக்கு நன்றி தெரிவிக்க விரும்புகிறேன்.பிரதமர் மோடி – சீன அதிபர் இடையிலான 2 வது முறைசாரா உச்சி மாநாடு ஒரு பெரிய வெற்றியாகும்.
இரு நாட்டு தலைவர்களின் வழிகாட்டுதலின் கீழ், சீனா-இந்தியா உறவுகள் ஒரு புதிய சகாப்தத்தில் நுழையும் என்று தெரிவித்துள்ளார் .