முதல்வர் பழனிசாமி போட்டியிடும் தொகுதியில் அதிமுகவை சேர்ந்த 500 பேர் திமுகவில் இணைந்தனர்….!

முதல்வர் போட்டியிடும் சேலம் மாவட்டம் எடப்பாடி தொகுதிக்கு உட்பட்ட, சித்தூர் ஊராட்சி மன்ற தலைவர் காந்தி, ஊராட்சியை ஒன்றிய முன்னாள் தலைவர் ஜெயபிரகாஷ் உட்பட 500 பேர் ஆளும் கட்சியான, அதிமுகவில் இருந்து திமுகவில் இணைந்தனர்.

தமிழகத்தில் ஏப்.6ம் தேதி சட்டமன்ற தேர்தல் நடைபெறவுள்ளது.  இதனால் தமிழக அரசியல் களம் பரபரப்பாக காணப்படுகிறது. இதற்கிடையில், ஒரு கட்சியில் இருந்து மற்றோரு கட்சிக்கு மாறுதல், கட்சியில் இருந்து விலகுதல் என ஒவ்வொரு கட்சியிலும் பல சுவராஸ்யமான சம்பவங்கள் நடைபெற்று வருகிறது.

இந்நிலையில், இந்த சட்டமன்ற தேர்தலில் தமிழக முதல்வர் பழனிசாமி அவர்கள், எடப்பாடி தொகுதியில் போட்டியிடுகிறார். முதல்வர் போட்டியிடும் சேலம் மாவட்டம் எடப்பாடி தொகுதிக்கு உட்பட்ட, சித்தூர் ஊராட்சி மன்ற தலைவர் காந்தி, ஊராட்சியை ஒன்றிய முன்னாள் தலைவர் ஜெயபிரகாஷ் உட்பட 500 பேர் ஆளும் கட்சியான, அதிமுகவில் இருந்து திமுகவில் இணைந்தனர். மேலும், சங்ககிரி சட்டமன்ற தொகுதிக்கு உட்பட்ட, தாரமங்கலம் ஒன்றியத்தை சேர்ந்த அதிமுக மற்றும் ரஜனி மக்கள் மன்ற நிர்வாகிகள் ஆகியோர் திமுகவில் இணைந்துள்ளனர்.