திமுக – பாஜக இடையே போட்டியா ? துரைசாமியின் கருத்து நகைப்புக்குரியது – தயாநிதிமாறன்

திமுக மற்றும் பாஜக கட்சிகள் இடையே தான் போட்டி என கூறிய வி.பி.துரைசாமியின் கருத்துக்கு பதிலடி கொடுத்த தயாநிதிமாறன்.

திமுக மற்றும் பாஜக கட்சிகள் இடையே தான் போட்டி நடைபெறுகிறது என அண்மையில் விபி துரைசாமி அவர்கள் கருத்து தெரிவித்திருந்தார். துறைமுகம் தொகுதியில் மண்ணடியில் கழிப்பிடம் கட்டுமான பணியை தொடங்கி வைக்க சென்றிருந்தார் திமுக எம்.பி.  தயாநிதி மாறன்.

அங்கு அவர் 500 க்கும் மேற்பட்டோருக்கு மளிகை பொருள்களும் 200 ரூபாயும் வழங்கினார். அப்போது பேசிய அவர், திமுக மற்றும் பாஜகவுக்கு இடையே போட்டி என்ற துரைசாமியின் கருத்து நகைப்புக்குரியது எனவும், கூடா நட்பு கேடாய் முடியும் என்பது பாஜகவை நம்பி வாழும் அதிமுகவிற்கு தான் பொருந்தும் எனவும்  தெரிவித்துள்ளார்.